नव्या मार्गदर्शक तत्त्वांनुसार अतिप्रक्रिया केलेले पदार्थ तसेच साखर, मीठ आणि अस्वास्थ्यकर चरबीचे प्रमाण जास्त असलेल्या पदार्थांचा वापर टप्प्याटप्प्याने कमी करण्यात येणार आहे. इंडियन कौन्सिल ऑफ मेडिकल रिसर्च-नॅशनल इन्स्टिट्यूट ऑफ न्यूट्रिशन आणि फूड सेफ्टी अँड स्टँडर्ड्स अथॉरिटी ऑफ इंडियाच्या मार्गदर्शक तत्त्वांनुसार हा पौष्टिक मेन्यू तयार करण्यात येणार आहे. ( Maharashtra Government)
Santosh Pandit Arrest : पुण्यात मध्यरात्री हायव्होल्टेज ड्रामा! प्रसिद्ध रीलस्टार संतोष पंडितला पोलिसांनी घेतलं ताब्यात; प्रकरण काय?
पुणे : पुण्यात मध्यरात्रीच्या सुमारास प्रसिद्ध रीलस्टार संतोष पंडित यांना पोलिसांनी त्यांच्या राहत्या घरातून ताब्यात घेतल्याची माहिती समोर आली आहे. ...
बैठकांमध्ये मिळणार हेल्दी फुड
लहान बैठका आणि अल्पोपाहारासाठी मोसमी फळे, भाजलेले किंवा उकडलेले चणे व शेंगदाणे, मोड आलेले धान्य, व्हेजिटेबल पोहे, इडली-सांबार, व्हेजिटेबल उपमा, बाजरीची खिचडी, उकडलेली अंडी, सुकामेवा आणि बियांचा समावेश करण्यात येणार आहे. पेयांमध्ये नारळपाणी, ताक, सोलकढी, बिनसाखरेचे दूध, कमी साखर किंवा गूळ घातलेले लिंबूपाणी तसेच ग्रीन टी आणि हर्बल टीचा समावेश असेल.
अर्धदिवसीय आणि पूर्णदिवसीय कार्यक्रमांमध्ये ज्वारी, बाजरी किंवा नाचणीची भाकरी, मल्टीग्रेन चपाती, ब्राऊन राईस, डाळ-उसळ, कमी तेलातील भाज्या, सॅलड, दही, ताक आणि फळे देण्याची शिफारस करण्यात आली आहे. ( Nutritious Menu)
या निर्णयाची अंमलबजावणी राज्यातील सर्व सरकारी विभाग, जिल्हाधिकारी कार्यालये, जिल्हा परिषद, महानगरपालिका, नगरपालिका, प्रशिक्षण संस्था आणि शासकीय उपहारगृहांमध्ये करण्यात येणार आहे. उपहारगृहांच्या मेन्यूवर देखरेख ठेवण्यासाठी समिती आणि नोडल अधिकाऱ्यांची नियुक्तीही करण्यात येणार आहे.
या उपक्रमाचा उद्देश नागरिक आणि कर्मचाऱ्यांमध्ये आरोग्यदायी आहाराबाबत जागरूकता निर्माण करणे तसेच मधुमेह, उच्च रक्तदाब, लठ्ठपणा आणि हृदयविकारासारख्या असंसर्गजन्य आजारांचा धोका कमी करणे हा आहे. ( Healthy Food)