Dr. Shobha Bachhav's mobile hacked : धुळे लोकसभा मतदारसंघाच्या (Dhule Lok Sabha Constituency) काँग्रेसच्या खासदार डॉ. शोभा बच्छाव (MP Shobha Bachhav) यांचा मोबाईल हॅक झाल्याची घटना समोर आली आहे. सायबर भामट्यांनी कुरिअरच्या बहाण्याने लिंक पाठवून खासदारांचा फोन हॅक केला आणि त्यांच्या व्हॉट्सॲपवरून परिचितांकडे ६२ हजार रुपयांची मागणी केल्याची खळबळजनक घटना उघडकीस आली आहे.. याप्रकरणी सायबर पोलीसांनी अज्ञातांविरोधात गुन्हा दाखल करत पुढील तपास सुरु केला आहे.
Nashik : यशवंतराव चव्हाण महाराष्ट्र मुक्त विद्यापीठाने (Yashwantrao Chavan Maharashtra Open University) दत्तक घेतलेल्या घनशेत (ता. पेठ) गावातील १३ विद्यार्थ्यांची 'पवित्र पोर्टल'च्या ...
तुमचे कुरिअर आले आहे, मात्र...
याबाबत मिळालेल्या प्राथमिक माहितीनुसार, खासदार डॉ. शोभा बच्छाव यांचा मोबाईल त्यांच्याकडे नसून त्यांचा पीएकडे होता. त्याचवेळी एका व्यक्तीचा फोन त्यांच्या फोनवर आला. ‘तुमचे कुरिअर आले आहे, मात्र पत्ता सापडत नाही. तुम्हाला एक लिंक पाठवली आहे, ती तपासा,’ असे सांगत पीएचा विश्वास संपादन करत जाळ्यात ओढले. यानंतर पीएने मेसेजमधील लिंक उघडताच काही वेळातच मोबाईल हॅक झाल्याचा प्रकार समोर आला. मोबाईल हॅक झाल्यानंतर सायबर फसवणूक करणाऱ्यांनी खासदारांच्या नावाने त्यांच्या संपर्कातील अनेक व्यक्तींना मेसेज पाठवून मदतीची आणि पैशांची मागणी सुरू केली.
मुंबई : आदिवासी विकास विभागांतर्गत कार्यरत असलेल्या शासकीय आश्रमशाळांमधील शिक्षक संवर्गातील गट-क (अराजपत्रित) पदांच्या भरती प्रक्रियेचा मार्ग मोकळा ...
‘62 हजार रुपये पाठवा, दोन तासांत परत करेन’
मोबाईल हॅक होताच भामट्यांनी खासदारांच्या व्हॉट्सॲप कॉन्टॅक्ट लिस्टमधील लोकांना ‘Help Me’ आणि ‘माझ्या खात्यात ६२ हजार रुपये जमा करा, दोन तासांत परत करतो’ असे मेसेज पाठवण्यास सुरुवात केली. यानंतर डॉ. शोभा बच्छाव यांना आपला मोबाईल हॅक झाल्याचा प्रकार लक्षात आला. मोबाईल हॅक झाल्याचे समजताच खासदार डॉ. शोभा बच्छाव यांनी तातडीने सायबर पोलिसांशी संपर्क साधला. त्यानंतर सायबर पोलिसांनी या प्रकरणाची दखल घेत तांत्रिक तपास सुरू केला आणि काही वेळाच्या प्रयत्नांनंतर डॉ. शोभा बच्छाव यांचा मोबाईल पुन्हा सुरक्षित करण्यात सायबर पोलिसांना यश आल्याची माहिती समोर आली आहे.
Nashik : शेतकऱ्यांच्या जिव्हाळ्याचा आणि वर्षानुवर्षे श्रद्धेने साजरा केला जाणारा महत्त्वाचा सण म्हणजे बैलपोळा. शेतकऱ्याच्या आयुष्यात बैलाला असलेले ...
नागरिकांना सावधगिरीचे आवाहन
या घटनेमुळे पुन्हा एकदा सायबर फसवणुकीचा धोका अधोरेखित झाला आहे. कुरिअर, बँक, सरकारी संस्था किंवा ओळखीच्या व्यक्तीच्या नावाने येणारे संशयास्पद फोन, मेसेज किंवा लिंक याबाबत नागरिकांनी सावध राहण्याची गरज आहे. कुरिअर, बँक किंवा कोणत्याही अनोळखी क्रमांकावरून येणाऱ्या लिंकवर चुकूनही क्लिक करू नका. पैशांची (Money) मागणी करणारे मेसेज आल्यास आधी संबंधित व्यक्तीशी खात्री करा, असे आवाहन खासदार डॉ. शोभा बच्छाव यांनी केले आहे. दरम्यान या प्रकरणात मोबाईल हॅक करणाऱ्यांचा शोध पोलिसांकडून सुरु करण्यात आला आहे.
