नवी दिल्ली : राजधानी दिल्लीत झालेल्या मुसळधार पावसामुळे नागरिकांचे जनजीवन विस्कळीत झाले असून, त्याचा मोठा फटका दिल्लीतील इंदिरा गांधी आंतरराष्ट्रीय विमानतळाला (IGI Airport) बसला आहे. पावसानंतर विमानतळाच्या प्रवेशद्वाराबाहेर मोठ्या प्रमाणावर पाणी साचल्याचे समोर आले आहे. जमिनीवर साचलेल्या पाण्यात प्रकाशाचे किरण परावर्तित होत असल्याचे दृश्य कॅमेऱ्यात कैद झाले असून, या पाण्याचा व्हिडिओ सध्या सोशल मीडियावर तुफान व्हायरल होत आहे.
प्रवाशांचे हाल; ट्रॉली ढकलत अन् पायजमा दुमडून करावा लागला प्रवास
View this post on Instagram
विमानतळ परिसरात साचलेल्या पाण्यामुळे देशांतर्गत आणि आंतरराष्ट्रीय प्रवाशांची मोठी तारांबळ उडाली. अनेक प्रवासी पेंट/पायजमा दुमडून पाण्याच्या मधूनच आपल्या ट्रॉली ढकलत अॅराइव्हल (Arrival) गेट्सच्या दिशेने जाताना दिसले. "मी गेल्या अर्ध्या तासापासून येथे उभी आहे आणि पाणी थोडे ओसरण्याची वाट पाहत आहे. असा प्रकार मी यापूर्वी कधीच पाहिला नव्हता," अशी प्रतिक्रिया मानसी आणि हिमांशी या महिला प्रवाशांनी प्रसारमाध्यमांशी बोलताना दिली. कृष्ण जन्माष्टमीच्या सणादरम्यानच पाऊस पडल्याने प्रवाशांची धावपळ अधिकच वाढली.
हवामान विभागाची (IMD) आकडेवारी अन् पावसाची नोंद
दुबई : महिला आशिया कप २०२६ स्पर्धेत आधीच उपांत्य फेरीत धडक मारल्यानंतर भारतीय महिला संघ आता आपल्या साखळी फेरीतील अंतिम सामन्यासाठी सज्ज झाला आहे. या ...
भारतीय हवामानशास्त्र विभागाने (IMD) दिलेल्या ३ तासांच्या आकडेवारीनुसार, दिल्लीतील पालम भागात सकाळी ११.३० ते दुपारी २.३० दरम्यान ३.४ मिमी पावसाची नोंद झाली आहे. तर नजफगड परिसरात सकाळी ८.३० ते ११.३० दरम्यान ०.५ मिमी पाऊस पडला. दिल्लीतील इतर बहुतांश केंद्रांवर या कालावधीत पाऊस पडला नसला तरी, अचानक आलेल्या मुसळधार सरिमुळे सकल भागांत पाणी साचण्यास सुरुवात झाली.
दिल्लीला 'यलो अलर्ट'; वाहतूक कोंडीची शक्यता
विमानतळासह दिल्लीतील सखल भाग आणि अंडरपासमध्ये पाणी साचल्याचा अहवाल प्राप्त झाल्यानंतर हवामान विभागाने संपूर्ण दिल्लीसाठी 'यलो अलर्ट' (Yellow Alert) जारी केला आहे. पावसामुळे रस्ते वाहतुकीवर मोठा परिणाम झाला असून, सार्वजनिक वाहतूक सेवेलाही विलंब होत आहे. नागरिकांनी आणि प्रवाशांनी प्रवासाला निघण्यापूर्वी वाहतुकीचे अपडेट्स तपासावेत, तसेच विजांच्या कडकडाटादरम्यान विजेचे खांब व तारांपासून दूर राहावे, असा सल्ला प्रशासनाकडून देण्यात आला आहे.
पुढील काही तास महत्त्वाचे; ६० किमी वेगाने वारे वाहणार
हवामान खात्याच्या अंदाजानुसार, दिल्ली आणि आसपासच्या परिसरात पुढील काही तासांत मध्यम ते मुसळधार पावसाची शक्यता आहे. काही भागांत ५० ते १०० मिमी पाऊस पडू शकतो. या काळात ताशी ४० ते ५० किमी वेगाने, तर काही वेळा ताशी ६० किमी वेगाने वादळी वारे वाहण्याची आणि विजांचा कडकडाट होण्याची शक्यता वर्तवण्यात आली आहे. त्यामुळे नागरिकांना सतर्क राहण्याचे आवाहन करण्यात आले आहे.
