मुंबई : मुंबईत अमली पदार्थांची विक्री करणाऱ्यांविरोधात पोलिसांनी आपली मोहीम अधिक तीव्र केली आहे. मुंबई पोलीस आयुक्तालयाच्या अमली पदार्थ विरोधी कक्षाच्या (Anti-Narcotics Cell) कांदिवली युनिटने वर्सोवा परिसरात एक धडक कारवाई करत अंमली पदार्थांची मोठी खेप हस्तगत केली आहे. या गुप्त कारवाईदरम्यान पोलिसांनी ६४ लाख ६० हजार रुपये किमतीचे तब्बल ३२३ ग्रॅम उच्च दर्जाचे 'हेरॉईन' जप्त केले आहे.
१८ इंचाच्या गणपती बाप्पालाही प्रवासाची परवानगी मुंबई : मुंबईचा सर्वात मोठा आणि उत्साहाचा सण असलेल्या गणेशोत्सवासाठी 'मुंबई मेट्रो रेल कॉर्पोरेशन'ने ...
मिळालेल्या गुप्त बातमीच्या आधारे कांदिवली युनिटच्या पथकाने वर्सोवा भागात सापळा रचून ही कारवाई केली. याप्रकरणी पोलिसांनी दोन संशयित आरोपींना रंगेहाथ पकडले असून त्यांच्या ताब्यातून हे बेकायदेशीर हेरॉईन हस्तगत करण्यात आले आहे. या दोन्ही आरोपींविरोधात अमली पदार्थविरोधी कायद्यांतर्गत (NDPS Act) गुन्हा दाखल करण्यात आला असून त्यांना तात्काळ अटक करण्यात आली आहे.
🔸₹64.6 Lakh Heroin Seized | 2 Arrested Anti-Narcotics Cell, Kandivali Unit conducted a successful operation in Versova, seizing 323 g of heroin worth approximately ₹64.6 lakh and arresting two accused under the NDPS Act. 🔸अंमली पदार्थ विरोधी कक्ष – कांदिवली युनिटची धडक… pic.twitter.com/8Yn5zNAU8s
— मुंबई पोलीस Mumbai Police (@MumbaiPolice) September 5, 2026
जप्त करण्यात आलेले हेरॉईन मुंबईत कोणाकडून आणले गेले होते आणि ते पुढे कोणाला विकले जाणार होते, याचा सखोल तपास आता पोलीस करत आहेत. या गुन्ह्यामागे एखादी मोठी आंतरराज्यीय अथवा स्थानिक अमली पदार्थ तस्करांची साखळी कार्यरत आहे का, यादृष्टीने कांदिवली युनिटचे पथक पुढील तपास करत आहे.
