कांगोच्या राजधानी किंशासामध्ये लग्नाच्या पार्टीदरम्यान भीषण आग लागून मोठी दुर्घटना घडली आहे. या आगीत आतापर्यंत किमान 22 जणांचा मृत्यू झाला असून अनेक जण जखमी झाले आहेत. मृतांचा आकडा वाढण्याची शक्यता स्थानिक प्रशासनाने व्यक्त केली आहे. (Kinshasa Accident)
ही घटना शुक्रवारी रात्री उत्तर किंशासामधील लिंगवाला परिसरातील एका इमारतीत घडली. लग्नाची पार्टी सुरू असताना अचानक आग लागली. काही वेळातच आगीने रौद्ररूप धारण केल्याने पार्टीमध्ये उपस्थित असलेल्या लोकांमध्ये भीती पसरली. (Kinshasa Accident)
जकार्ता : इंडोनेशियाच्या सुंडा सामुद्रधुनीत स्थित ‘अनाक क्राकाटोआ’ ज्वालामुखीचा रविवारी पहाटे अचानक उद्रेक झाला. या उद्रेकामुळे आकाशात तब्बल ५०,००० ...
आगीपासून बचाव करण्यासाठी लोकांनी बाहेर पडण्याचा प्रयत्न केला. मात्र, इमारतीतील अरुंद मार्गांमुळे बाहेर पडताना मोठी अडचण निर्माण झाली. त्यामुळे अनेक जण आत अडकले. आग शनिवारी पहाटेपर्यंत धुमसत होती. काही जखमींना बाहेर काढून रस्त्याच्या कडेला उपचारासाठी ठेवण्यात आले, तर काहींचा घटनास्थळीच मृत्यू झाला. (Kinshasa Accident)
लिंगवाला परिसराचे महापौर नॉर्बर्ट मुशिंगा यांनी मृतांचा प्राथमिक आकडा २२ असल्याची माहिती दिली. मात्र, जखमींपैकी काहींची प्रकृती गंभीर असल्याने मृतांचा आकडा आणखी वाढू शकतो, असे त्यांनी सांगितले. दरम्यान, कांगोचे उपपंतप्रधान आणि गृहमंत्री जॅक्वेमिन शाबानी यांनी घटनास्थळी भेट देत या दुर्घटनेला ‘त्रासदायक घटना’ असल्याचे म्हटले. आगीचे नेमके कारण अद्याप स्पष्ट झालेले नाही आणि याप्रकरणी तपास सुरू आहे.
किंशासामधील दाट लोकवस्तीच्या भागांमध्ये आगीच्या घटना यापूर्वीही घडल्या आहेत. अपुऱ्या अग्निशमन सुविधांमुळे आणि दाट बांधकामामुळे अशा दुर्घटनांमध्ये बचावकार्याला अडथळे निर्माण होत असल्याचे स्थानिक रिपोर्ट्समध्ये नमूद करण्यात आले आहे. (Kinshasa Accident)
