मुंबई : बिग बॉस मराठीचा विजेता सूरज चव्हाण आणि त्याची पत्नी संजना चव्हाण यांच्या घरी चिमुकल्या पाहुणीचं आगमन झालं आहे. जन्माष्टमीच्या शुभदिनी त्यांच्या घरी कन्यारत्नाचा जन्म झाला. विशेष म्हणजे, कृष्णाच्या जन्मदिनी त्यांच्या घरी ‘राधा’ जन्मली आहे. (Suraj Chavan)
मुलगी झाल्याची गोड बातमी शेअर करताना सूरज चव्हाण भावुक झाला. पहिल्यांदाच बाबा झाल्याचा आनंद आणि भावना व्यक्त करत त्याने आपल्या आयुष्यातील हा खास क्षण चाहत्यांसोबत शेअर केला आहे.
बाबा झाल्यानंतर सूरज चव्हाण पहिल्यांदाच सगळ्यांसमोर आला आहे. धुळ्यातील दहीहंडी सोहळ्याला त्याने हजेरी लावली आणि इथंच त्याने सगळ्यांना गूड न्यूज दिली. कृष्णाच्या जन्मादिवशी आपल्या घरी राधा आली, आपल्याला मुलगी झाली हे सांगताना सूरज खूपच इमोशनल झाल्याचं पाहायला मिळालं. सूरजचा या कार्यक्रमातील व्हिडीओ सोशल मीडियावर व्हायरल होतो आहे. (Suraj Chavan)
व्हिडीओत सूरज सांगतो, "कृष्णजन्मोत्सवाच्या दिवशी माझ्या घरी लक्ष्मी, राधा आली. मुलगी झाली याचा मला खूप आनंद होतो आहे. वडील झाल्यावर मला आता समजतंय की, त्या भावना व्यक्त करता येत नाहीत, तर समजून घ्याव्या लागतात. माझ्यावर आता जबाबदारी आली आहे." (Suraj Chavan)
