बंगळुरू : बंगळुरूहून लंडनला जाणाऱ्या व्हर्जिन अटलांटिकच्या विमानात उड्डाणानंतर तांत्रिक बिघाड झाल्याने विमान पुन्हा बंगळुरूच्या केम्पेगौडा आंतरराष्ट्रीय विमानतळाकडे वळवण्यात आले. खबरदारीचा उपाय म्हणून विमानाने काही काळ हवेत फेऱ्या मारल्यानंतर सुरक्षित लँडिंग केली. विमानातील सुमारे २७० प्रवासी आणि क्रू सदस्य सुरक्षित असल्याची माहिती विमानतळ प्रशासनाच्या सूत्रांनी दिली आहे.
प्रसिद्ध मॉडेल आणि अभिनेत्री पूनम पांडे नेहमीच तिच्या बोल्ड आणि वादग्रस्त विधानांमुळे चर्चेत असते. आता पूनम पांडेने अॅडल्ट कंटेंट आणि ...
व्हर्जिन अटलांटिकचे बंगळुरू-लंडन विमान रविवारी सकाळी सुमारे ८.२० वाजता बंगळुरू विमानतळावरून लंडनच्या दिशेने रवाना झाले. उड्डाणानंतर काही वेळातच विमानात तांत्रिक समस्या निर्माण झाल्याचे क्रूच्या लक्षात आले. प्रवाशांच्या सुरक्षेला प्राधान्य देत वैमानिकांनी विमान बंगळुरूकडे परत वळवण्याचा निर्णय घेतला. विमान तातडीने विमानतळावर उतरवण्याऐवजी, सुरक्षित लँडिंगसाठी आवश्यक प्रक्रिया पूर्ण करत काही काळ तुमकुरू परिसराच्या हवाई हद्दीत फेऱ्या मारत राहिले. उपलब्ध माहितीनुसार विमानाने ३० मिनिटांहून अधिक काळ हवेत घिरट्या घातल्यानंतर बंगळुरूकडे परतण्यास सुरुवात केली.
यानंतर विमानाने केम्पेगौडा आंतरराष्ट्रीय विमानतळावर सुरक्षितपणे लँडिंग केली. विमानातील कोणत्याही प्रवाशाला दुखापत झाल्याचे वृत्त नाही. विमानतळ प्रशासनाच्या माहितीनुसार, सर्व प्रवासी आणि क्रू सदस्य सुरक्षित आहेत. दरम्यान, विमानात नेमका कोणता तांत्रिक बिघाड झाला, याबाबत अद्याप अधिकृत माहिती समोर आलेली नाही. त्यामुळे इंजिन किंवा विमानाच्या अन्य यंत्रणेत नेमकी कोणती समस्या निर्माण झाली होती, याबाबत सध्या अंदाज व्यक्त करणे टाळले जात आहे.
कांगोच्या राजधानी किंशासामध्ये लग्नाच्या पार्टीदरम्यान भीषण आग लागून मोठी दुर्घटना घडली आहे. या आगीत आतापर्यंत किमान 22 जणांचा मृत्यू झाला असून अनेक ...
या घटनेनंतर विमानाची तांत्रिक तपासणी केली जाणार असून, बिघाडाचे नेमके कारण शोधले जात आहे. तसेच विमान कंपनीकडून या घटनेबाबत अधिकृत निवेदनाची प्रतीक्षा आहे. सुदैवाने या घटनेत कोणतीही जीवितहानी किंवा दुखापत झाली नाही. मात्र, उड्डाणानंतर तांत्रिक बिघाड लक्षात येताच वैमानिकांनी घेतलेल्या खबरदारीच्या निर्णयामुळे मोठा धोका टळला.