मुंबई : मुंबई-पुणे द्रुतगती मार्गावर बुधवारी सकाळी गणेशमूर्ती घेऊन जाणाऱ्या वाहनाला सिमेंटच्या टँकरने मागून धडक दिल्याची घटना घडली. खालापूर पोलीस ठाण्याच्या हद्दीत पुण्याच्या दिशेने जाणाऱ्या मार्गावर सकाळी सुमारे 8:25 वाजता हा अपघात झाला. या दुर्घटनेत 4 जण जखमी झाले आहेत. (Mumbai Pune Expressway)
मिळालेल्या प्राथमिक माहितीनुसार, गणेशमूर्ती घेऊन जाणाऱ्या वाहनाच्या पॅलेटवर काही जण प्रवास करत होते. त्याचवेळी मागून आलेल्या सिमेंट टँकरने या वाहनाला जोरदार धडक दिली. धडकेनंतर गणेशमूर्तीचेही नुकसान झाल्याचे सांगण्यात येत आहे. अपघाताची काही छायाचित्रे समोर आली असून, त्यामध्ये अपघातग्रस्त वाहन आणि कापडाने झाकलेली गणेशमूर्ती दिसत आहे.
नगरसेवक स्वेच्छा निधीची मर्यादा ६० लाखांवरून १ कोटींची निधीचा ठराव सभागृहात मंजूर मुंबई (विशेष प्रतिनिधी) : मुंबई महापालिकेत नगरसेवकांना नगरसेवक ...
अपघातात 4 जण जखमी
घटनेची माहिती मिळताच आपत्कालीन पथके आणि संबंधित यंत्रणा तातडीने घटनास्थळी दाखल झाल्या. जखमींना प्राथमिक मदत करून पुढील उपचारासाठी एमजीएम रुग्णालयात दाखल करण्यात आले. जखमींच्या प्रकृतीबाबत अधिक माहिती अद्याप समोर आलेली नाही. (Ganesh Idol Accident)
अपघातामुळे वाहतुकीवर परिणाम
या अपघातामुळे काही काळ द्रुतगती मार्गावरील वाहतुकीवरही परिणाम झाला. घटनास्थळी पोहोचलेल्या प्रशासन आणि पोलिसांनी अपघातग्रस्त वाहने बाजूला करण्यासह परिस्थिती नियंत्रणात आणण्यासाठी आवश्यक कार्यवाही केली. (Road Accident)
गणेशोत्सवाच्या पार्श्वभूमीवर मुंबई आणि परिसरातून मोठ्या संख्येने गणेशमूर्ती विविध भागांत नेल्या जात आहेत. अशा वेळी द्रुतगती मार्गावर मोठ्या वाहनांसोबत प्रवास करताना सुरक्षेचा प्रश्न पुन्हा ऐरणीवर आला आहे. ( Mumbai Pune Highway)
दरम्यान, खालापूर पोलिसांकडून या अपघाताचा तपास सुरू असून टँकर चालकाची भूमिका, वाहनांचा वेग आणि अपघात नेमका कशामुळे झाला याबाबत माहिती घेतली जात आहे. जखमींची ओळख आणि त्यांच्या प्रकृतीबाबत अधिकृत माहिती मिळाल्यानंतर या प्रकरणातील चित्र स्पष्ट होणार आहे. (Ganeshotsav 2026)
