नगरसेवक स्वेच्छा निधीची मर्यादा ६० लाखांवरून १ कोटींची निधीचा ठराव सभागृहात मंजूर
मुंबई (विशेष प्रतिनिधी) : मुंबई महापालिकेत नगरसेवकांना नगरसेवक स्वेच्छा निधीमध्ये वाढ करण्याच्या मागणी चा प्रस्ताव अखेर महापालिका सभागृहात मंजूर करण्यात आला आहे. सध्या नगरसेवकांना आपल्या प्रभागातील नागरी सेवा सुविधांची कामे करण्यासाठी ६० लाख रुपयांचा निधीची तरतूद केली जाते. परंतु हा ६० लाख रुपयांचा निधी वाढवून १ कोटी रुपये केला जावा अशी मागणी ठरावाच्या सूचनेद्वारे केली होती. हा निधी वाढवून देण्याच्या ठरावाला महापालिका सभागृहात मंजुरी देण्यात आली आहे. ( Mumbai Municipal Corporation)
अनधिकृत असल्यास होणार कारवाई, महापालिका सभागृहात ठराव मंजूर मुंबई (विशेष प्रतिनिधी) : मुंबईतील सर्व कोंबडी विक्रेत्यांच्या दुकानांचा विशेष तपासणी ...
भाजपच्या नगरसेविका अश्विनी मते यांनी महापालिका सभागृहात ठरावाच्या सूचनेद्वारे ही मागणी करताना, सध्या प्रत्येक नगरसेवकाला दरवर्षी ६० लाख रुपये एवढा नगरसेवक स्वेच्छा निधी उपलब्ध करुन दिला जातो. पण , प्रभागातील रस्ते दुरुस्ती, स्वच्छता, सार्वजनिक प्रसाधनगृहे, उद्यान सुशोभीकरण तसेच अन्य तातडीच्या नागरी कामांसाठी उपलब्ध होणारा हा निधी अत्यंत अपुरा पडत आहे. वाढत्या महागाईमुळे साहित्याचे दर तसेच मजुरीच्या खर्चामध्ये मोठ्या प्रमाणात वाढ झाली असून, त्यामुळे ६० लाख रुपयांच्या मर्यादित निधीतून प्रभागातील अनेक महत्त्वाची विकासकामे पूर्ण करणे कठीण झाले आहे. त्यामुळे मुंबईकर नागरिकांना अधिकाधिक उत्तम नागरी सुविधा उपलब्ध नगरसेवक स्वेच्छा निधीची वार्षिक मर्यादा ६० लाख रुपयांवरुन वाढवून १ कोटी रुपये करण्यात यावी. जेणेकरून मुंबईकर नागरिकांना अधिकाधिक उत्तम नागरी सुविधा करून देणे शक्य होईल,असे मते यांनी नमुद केले आहे. ( Corporator Fund)
मुंबई महानगरपालिका ही देशातील सर्वात मोठी व आर्थिकदृष्टया संपन्न महानगरपालिका म्हणून ओळखली जाते. त्यामुळे नगरसेवक निधीतून नागरिकांच्या अपेक्षेनुसार ही कामे जलदगतीने व दर्जेदार पध्दतीने पूर्ण करता ये नाही. अशाप्रकारे ही कामे करता यावी यासाठी नगरसेवकांना उपलब्ध करुन दिलेल्या नगरसेवक निधीच्या मर्यादेत वाढ करणे ही काळाची गरज असल्याचे अश्विनी मते यांनी म्हटले आहे. ( BMC General Body Meeting)