दुबई, अमेरिका की भारत... iphone 18 pro ची सीरीज सर्वाधिक महाग कोणत्या देशात?

मुंबई: ॲपलकडून नव्या iphone 18 pro ची सीरीज लाँच करण्यात आली. काल आयफोन लाँच झाल्यापासून सोशल मीडियावर त्याची जोरदार चर्चा सुरू आहे. iphone 18 pro, iphone 18 pro max आणि iphone duo हे तिनही मोबाईल सध्या त्यांच्या किंमतींमुळे कमालीचे चर्चेत आहेत. खरंतर, जगभरामध्ये, मेमरीच्या वाढलेल्या किमतींमुळे नवीन लाँच झालेल्या आयफोनच्या दरांमध्ये मोठी वाढ झाली आहे. असं असलं तरीही प्रत्येक देशामध्ये iphone 18 pro सीरीजच्या किंमतीमध्ये आपल्याला मोठी तफावत पाहायला मिळत आहे. भारतासह दुबई, अमेरिका, जपान, ऑस्ट्रेलिया, चीनमध्ये iphone 18 pro सीरीजची काय किंमत आहे, जाणून घेऊया...



भारतात, iPhone 18 Pro च्या किंमतीत 1,64,900 रूपयांनी सुरूवात होते, iPhone 18 Pro Max च्या किंमतीत 1,79,900 रूपयांनी सुरूवात होते. तर, iPhone Duo च्या किंमतीत 2,99,900 रूपयांनी सुरूवात होते. असं असलं तरीही इतरत्र देशांमध्ये iphone 18 pro सीरीजच्या किंमतींमध्ये खूप तफावत पाहायला मिळते. अमेरिकेत, iphone 18 pro ची किंमत भारतीय चलनानुसार अवघी 1,14,064 इतकी रूपये आहे, तर iPhone Duo ची अमेरिकेत 1,90,170 रुपयांना मिळत आहे. दुसऱ्या क्रमांकावर कॅनडा असून तिकडे iPhone 18 Pro ची किंमत 1,20,453 रुपये आणि iPhone Duo ची किंमत 2,06,541 रुपयांपासून सुरू होते.



युएईमध्ये जर तुम्ही iPhone 18 Pro खरेदी करणार असाल तर तुम्हाला 1,32,074 इतकी किंमत मोजावी लागेल आणि iPhone Duo खरेदी करणार असाल तर, 2,20,141 रूपये इतकी किंमत मोजावी लागेल. तर, तैवानमध्ये 1,35,014 रुपये तर जपानमध्ये 1,36,056 रुपयांपासून iPhone 18 Pro विक्रीसाठी उपलब्ध आहे. ब्रिटनमध्ये iPhone 18 Pro ची किंमत 1,53,872 रुपयांपासून सुरू होते, तर स्पेन आणि फ्रान्समध्ये iPhone 18 Pro ची किंमत 1,62,616 इतकी आहे. इतरत्र सर्व देशांच्या तुलनेमध्ये iphone 18 pro सीरीजची किंमत भारतात सर्वाधिक आहे. पण असं असलं तरीही भारतामध्ये आयफोन लव्हरची काही कमी नाही. येत्या 12 सप्टेंबरपासून भारतात iphone 18 pro सीरीजच्या बुकिंगला सुरूवात होणार आहे. तर, 18 सप्टेंबरपासून iphone 18 pro सीरीज भारतात विक्रीसाठी उपलब्ध होणार आहे.