बीड : मुलींच्या शिक्षणासाठी अनवाणी मॅरेथॉनमध्ये धावून ३ हजार रुपयांचे बक्षीस जिंकणाऱ्या बीड जिल्ह्यातील अंबाजोगाईच्या ४७ वर्षीय रामाबाई रणवीर यांच्या जिद्दीची दखल सचिन तेंडुलकरने घेतली आहे. रामाबाईंच्या संघर्षाची कहाणी समजल्यानंतर तेंडुलकरने त्यांना रनिंग शूज देण्याची इच्छा व्यक्त केली. (Ramabai Ranveer)
सचिन तेंडुलकरच्या Ten X You टीमने परस्पर परिचितांच्या माध्यमातून रामाबाईंशी संपर्क साधला. रामाबाईंकडे स्वतःचा मोबाईल फोन नसल्याने त्यांच्या अंबाजोगाई येथील घरी रनिंग शूज पोहोचवण्याची व्यवस्था करण्यात आली.
मात्र, शूज मिळाल्यानंतर रामाबाईंनी दाखवलेली उदारता विशेष ठरली. ज्या व्यक्तीने त्यांना मॅरेथॉनबद्दल माहिती दिली, त्यालाही शूज मिळावेत, अशी इच्छा त्यांनी व्यक्त केली. त्याच्या प्रोत्साहनामुळेच आपण या शर्यतीत सहभागी होऊ शकलो, असे रामाबाईंनी सांगितले. (Ramabai Ranveer)
मोकी (चीन) : गतविजेत्या भारतीय संघाने एएचएफ ज्युनियर आशिया कप २०२६ मध्ये आपली विजयी घोडदौड कायम राखत धमाकेदार कामगिरी केली आहे. बुधवारी पूल 'अ' मधील ...
रामाबाईंची ही विनंतीही तेंडुलकरच्या टीमने मान्य केली. त्यानुसार रामाबाई, त्यांच्या दोन मुली आणि मॅरेथॉनचे आयोजन करणाऱ्या समितीतील ज्या सदस्याने त्यांना या स्पर्धेची माहिती दिली, अशा चौघांसाठी रनिंग शूजची व्यवस्था करण्यात आली. (Ramabai Ranveer)
दरम्यान, सचिन तेंडुलकरने आपली कहाणी पाहिली असून त्याला आपली जिद्द प्रेरणादायी वाटल्याचे समजल्याने रामाबाईंना विशेष आनंद झाला. त्यांच्यासाठी ही भेट केवळ रनिंग शूजची नसून, त्यांच्या संघर्षाची दखल घेत मिळालेल्या प्रोत्साहनाची आणि कौतुकाचीही आहे. (Ramabai Ranveer)