आरक्षण बदलाचा प्रस्ताव सुधार समितीने फेटाळून लावला
आरक्षण नको असे रिमार्क देणाऱ्या अधिकाऱ्याची चौकशी करा
मुंबई (विशेष प्रतिनिधी) : अंधेरी पश्चिम येथील वर्सोवा भागात अग्निशमन दलाच्या केंद्र उभारणीचे आरक्षण भूखंडावर असतानाही अग्निशमन दलाच्या अधिकाऱ्यांनी याठिकाणी केंद्राची आवश्यकता नाही,असे लिहून दिले आहे. त्यामुळे अग्निशमन केंद्राचे आरक्षण रद्द करण्याचा प्रस्ताव महापालिकेव्या विकास नियोजन विभागाच्यावतीने सादर करण्यात आला होता. परंतु या भागांत अग्निशमन केंद्राची आवश्यकता असून अशाप्रकारे केंद्राची आवश्यकता नाही असे लिहून देणाऱ्या अधिकाऱ्याची चौकशी करा अशी मागणी करत हा प्रस्तावच सुधार समितीने फेटाळून लावला.
रितू तावडे यांनी केली पाहणी, महापौरांनी व्यक्त केले समाधान मुंबई (विशेष प्रतिनिधी) : श्रीगणरायाचे आगमन आणि त्यानंतर मूर्ती विसर्जनासाठी मुंबई ...
अंधेरी पश्चिम येथील महापालिकेच्या 'के/पश्चिम' विभागातील न.भू.क्र.११०३ अ (भाग), वर्सोवा या भूखंडावरील महानगरपालिका चौकी व अग्रिशमन केंद्र हे आरक्षण वगळून या भूखंडाचा समावेश निवासी क्षेत्रात करण्याबाबत तसेच न.भू.क्र. ११०३ अ (भाग), वर्सोवा या भूखंडावरील महानगरपालिका चौकी या स्थलांतरित आरक्षणाच्या क्षेत्रफळात दुरूस्ती करणेबाबतचा प्रस्ताव महापालिकेच्या विकास नियोजन विभागाच्यावतीने आरक्षण वगळण्याचा प्रस्ताव सुधार समितीला सादर केला होता. भाजपचे संदीप पटेल यांनी हा प्रस्ताव परत पाठवण्याची मागणी केली. आंबिवली आणि वर्सोवा दरम्यान अग्निशन दलाची गाडी यायला अर्धा तास लागतो. त्यामुळे कुणाच्या सांगण्यानुसार हे आरक्षण रद्द करण्यात येवू नये. म्हाडानेही अशाप्रकारचा प्रस्ताव विचार करून आणायला हवा. अग्निशनम केंद्र आणि महापालिका चौकी या आवश्यक आहेत म्हणून सन २०३४च्या आराखड्यात याचा समावेश करण्यात आला आहे. त्यामुळे निवासी क्षेत्र कुणाच्या सांगण्यानुसार होते याची चौकशी करण्यात यावी अशी मागणी त्यांनी केली.
तर उबाठाचे सचिन पडवळ यांनीही हा प्रस्ताव परत पाठवण्याच्या सूचनेला पाठिंबा देत हे आरक्षण चुकून पडलेले नाही तर गरज आहे म्हणून पाडलेले आहे. त्यामुळे एकदा टाकलेले आरक्षण रद्द करण्याचा अधिकार यांना कुणी दिला असा सवाल करत अशाप्रकारे आरक्षण रद्द करण्याचा अधिकार हा अधिकाऱ्यांना न देता महापालिकेच्या आयुक्तांकडे देण्यात यावा अशी सूचना त्यांनी केली. त्यानंतर हा प्रस्ताव प्रशासनाकडे परत पाठवण्यात आला.