यंदाच्या नवरात्रीत उपवासासाठी करा गरमागरम राजगिऱ्याचे पराठे; पहा पूर्ण रेसिपी

नवरात्रीचे नऊ दिवस भक्त श्रद्धेने देवीची पूजा करतात तसेच उपवासदेखील धरतात. या उपवासासाठी अनेक पदार्थ बनवले जातात त्यातील एक लोकप्रिय पदार्थ म्हणजे राजगिऱ्याचे पीठ. राजगिरा पराठा हा राजगिरा पीठ, उकडलेले बटाटे आणि मसाले वापरून बनवलेला एक पौष्टिक पदार्थ आहे. हे राजगिरा पराठे उपवासाच्या काळात बनवल्या जातात. हिंदू धर्मातील उपवासाच्या काळात राजगिरा हा एक महत्त्वाचा घटक म्हणून वापरला जातो. राजगिरा पराठा बनवण्याची रेसिपी पुढीलप्रमाणे:

सर्वात आधी, २ लहान ते मध्यम आकाराचे बटाटे ते पूर्णपणे शिजून स्मॅश करता येण्याइतपत मऊ होईपर्यंत उकडून घ्या.

 

एका वाटीत राजगिऱ्याचे पीठ घ्या.

 

बटाटे हलके गरम असतानाच ते सोलून घ्या. नंतर ते कापा किंवा स्मॅशरने स्मॅश करा आणि राजगिऱ्याच्या पिठात मिसळा. नंतर त्यात एक ते दीड चमचे बारीक कापलेली मिरचीची पेस्ट, अर्धा चमचा जिरे पावडर आणि सैंधव मीठ टाका. आवडीनुसार यात बारीक कापलेली कोथिंबीर आणि आलं लसूण पेस्टसुद्धा टाकू शकतो.

 

सर्व साहित्य नीट एकत्र मिसळा. थोड्या थोड्या मात्रेत यात एक किंवा दोन चमचे पाणी घाला आणि पीठ नरम मळा. पाण्याची मात्रा पिठाच्या गुणवत्तेवर अवलंबून आहे. यामुळे आवश्यकतेनुसार पाणी घाला.

 

त्यानंतर एका सुती कपड्यावर पिठाचा छोटा गोळा घ्या. तळहात किंवा बोटांचा वापर करून पिठाच्या गोळ्यावर हलकेच थाप मारा आणि त्याला एका नीटनेटक्या, गोल आकारात पसरवून घ्या. या पद्धतीमुळे कडा सुबक आणि एकसारख्या राहतात.

 

आता, कापडावरून पराठा अलगदपणे काढून घ्या किंवा कापड उलटे करून गरम तव्यावर ठेवा आणि सुती कापड हळूच वेगळे करा. गॅसची आच मध्यम ते मध्यम-उच्च ठेवा आणि गरजेनुसार ती कमी-जास्त करा.

 

पराठ्याची एक बाजू अर्धी शिजली की,पलटून घ्या. नॉन-स्टिक पॅन किंवा चांगला तापलेला तवा वापरा, अन्यथा पराठा चिकटू शकतो. या बाजूला तूप किंवा तेल लावा आणि मग तो पुन्हा उलटून घ्या.

 

राजगिरा पराठा दोन्ही बाजूंनी समानरीत्या सोनेरी आणि व्यवस्थित भाजला जाईपर्यंत दोन-तीनदा उलटून घ्या. हे राजगिरा पराठे दही किंवा उपवासासाठी बनवलेल्या कोणत्याही भाजीसोबत गरमागरम सर्व्ह करा.