मुंबई (विशेष प्रतिनिधी) : मुंबई महानगरपालिकेच्या सार्वत्रिक निवडणूक २०२५-२६ च्या जनजागृतीसाठी लावलेल्या जाहिरातींवरच चक्क साडेबारा लाख रुपयांचा खर्च करण्यात आला आहे. उत्सव लोकशाहीचा, गर्व मुंबईचा या नागरी संदेशासाठी या जाहिरात प्रदर्शित करण्यात आल्या होत्या. यासाठी तब्बल साडे बारा लाख रुपयांचा खर्च झाल्याची माहिती मिळत आहे. यामध्ये छपाई पेक्षा बॅनर लावणे आणि काढणे यावरच दुप्पट खर्च करण्यात आल्याचे दिसून येत आहे.
मुंबई (विशेष प्रतिनिधी) : पूर्व उपनगरातील घाटकोपर (पूर्व) मधील गारोडिया नगर वसाहतील खासगी रस्त्यांचा विकास पाच वर्षांपूर्वी करण्यात आल्यानंतर आता याच ...
मुंबई महापालिकेच्या सार्वत्रिक निवडणुकीच्या दृष्टीकोनातून २४ डिसेंबर २०२५ ते १५ जानेवारी २०२६ या काळात 'उत्सव लोकशाहीचा, गर्व मुंबईचा' हे नागरी संदेश महापालिका हद्दीतील जाहिरात फलकांवर प्रदर्शित करण्याचे निर्देश देण्यात आले होते. यासाठी फ्लेक्स छपाई, फलकांवर चढविणे व उतरविणे ही कामे अल्प मुदतीत पूर्ण निविदा मागवून पूर्ण करण्यात आली आहे.
यासाठी प्रत्यक्षात सुमारे ९६,२८२ चौ. फूट फ्लेक्सचे काम झाले. यामध्ये छपाईकरता ६.५३ लाख रुपये तसेच जाहिरात फलक चढवणे आणि उतरवणे यासाठी ६.२४ लाख रुपये खर्च करण्यात आले.