Delhi mumbai expressway Accident : दिल्ली-मुंबई एक्सप्रेसवेवर भीषण अपघात; खातूश्यामजीच्या दर्शनासाठी निघालेल्या ८ भाविकांचा मृत्यू, ९ जण गंभीर जखमी

शनिवारी सकाळी राजस्थानमधील कोटा जिल्ह्यात एक अतिशय दुर्दैवी घटना घडली. मध्य प्रदेशातील (Madhyapradesh) खातूश्यामजी मंदिराच्या दर्शनासाठी निघालेला एक भरधाव टेम्पो ट्रॅव्हलर दिल्ली-मुंबई एक्सप्रेसवेवर (Delhi-Mumbai Expressway Accident) २० फूट खाली ड्रेनेजमध्ये कोसळला. या भीषण अपघातात ८ भाविक जागीच व उपचारादरम्यान मृत्युमुखी पडले, तर ९ जण गंभीर जखमी झाले आहेत.

घटना नेमकी कशी घडली ?

At least eight people were killed, and 17 others were seriously injured after a minibus overturned and fell into a ditch on the Delhi-Mumbai Expressway in Rajasthan’s Kota early Saturday morning.

#Kota #Rajasthan #DelhiMumbaiExpressway #BusAccident #8PassengersDeath #KotaAccident #KhatuShyamJi #EightPeopleKilled #17SeriouslyInjured #KotaRoadAccident #KaradiaToll #KotaNews #AccidentNews #MPNews #Bhopal #NewsFlash @KotaPolice @PoliceRajasthan — Goldy Srivastav (@GoldySrivastav) October 17, 2026

 या गाडीमध्ये एकूण २० प्रवासी होते. हे सर्वजण प्रामुख्याने मध्य प्रदेशातील बैतुल जिल्ह्याचे रहिवासी होते. हे सर्व भाविक खातूश्यामजी (सिकर जिल्हा, राजस्थान) येथील प्रसिद्ध मंदिराच्या दर्शनासाठी शुक्रवारी रात्री बैतुल येथून बाहेर पडले होते. सीमल्या पोलीस ठाण्याचे प्रभारी नंद सिंह यांनी सांगितल्यानुसार, वाहन 'कराडिया' टोल प्लाझा ओलांडून सुलतानपूरच्या दिशेने जात होते. यादरम्यान चालकाचे अचानक वाहनावरील नियंत्रण सुटले. गाडी वेगात असल्यामुळे थेट रस्त्यावरील दुभाजक (डिव्हायडर) तोडून २० फूट खाली असलेल्या कोरड्या ओढ्यात/ड्रेनेजमध्ये जाऊन धडकली. धडक इतकी जोरदार होती की गाडीचा पुढचा भाग पूर्णपणे चक्काचूर झाला.

मृतांचा आकडा आणि मदतकार्य

हा अपघात शनिवारी सकाळी ७ वाजण्याच्या सुमारास घडला. या दुर्घटनेत ४ प्रवाशांचा जागीच मृत्यू झाला, तर ३ जणांचा रुग्णालयात नेताना वाटेत प्राण गेला. नंतर मृतांचा आकडा वाढून ८ वर पोहोचला. अनेक प्रवासी वाहनातच अडकून पडले होते. चालकाला गाडी चालवताना डुलकी लागली असावी (झोप लागली असावी), ज्यामुळे हा अपघात घडला असावा, असा प्राथमिक अंदाज पोलिसांनी वर्तवला आहे. अपघाताची माहिती मिळताच आजूबाजूचे ग्रामस्थ आणि रस्तावरून जाणारे लोक मदतीसाठी धावून आले. त्यानंतर पोलीस, NHAI चे बचाव पथक आणि रुग्णवाहिका घटनास्थळी पोहोचल्या. क्रेनच्या मदतीने अपघातग्रस्त वाहन बाहेर काढण्यात आले.

रुग्णालयात उपचार आणि नेत्यांची शोकसंवेदना

या सर्व ९ गंभीर जखमींना कोटा मेडिकल कॉलेजच्या न्यू हॉस्पिटल आणि MBS रुग्णालयात उपचारासाठी दाखल करण्यात आले आहे. अनेकांची प्रकृती अद्याप चिंताजनक आहे. या भीषण अपघाताबद्दल राजस्थानचे माजी मुख्यमंत्री अशोक गेहलोत यांनी तीव्र शोक व्यक्त केला आहे. मृतांच्या कुटुंबा प्रति संवेदना व्यक्त करत त्यांनी जखमी लवकरात लवकर बरे होवोत, अशी प्रार्थना केली आहे.