आनंदनगर ते साकेत दरम्यान सुरू असलेल्या उन्नत मार्गाच्या (एलिव्हेटेड रोड) बांधकामादरम्यान लोखंडी सळ्यांचा एक भलामोठा पिंजरा (जाळे) अचानक खाली चालत्या कारवर कोसळला. सुदैवाने या भीषण अपघातात कोणतीही जीवितहानी झाली नसली, तरी कारचे मोठे नुकसान झाले आहे.
October 17, 2026 03:42 PM
बंगळुरू : कायद्याच्या क्षेत्रात पाऊल ठेवणारे भावी वकील केवळ पुस्तकी ज्ञानावर मोठे होत नाहीत, तर त्यांच्याकडे न्याय मिळवून देण्याचे धाडस आणि ...
कोपरी ब्रिजजवळ उन्नत मार्गाच्या खांबाचे (Pier) बांधकाम सुरू होते. त्यावेळी अचानक लोखंडी सळ्यांचे प्रचंड वजन असलेले जाळे आधार सुटल्यामुळे खाली कोसळले. नेमके त्याच वेळी तिथून जाणारी एक पांढऱ्या रंगाची सेडान कार या जाळ्याखाली आली. या धडकेत कारचा पुढचा भाग, विंडशिल्ड (शीश) आणि छत पूर्णपणे चक्काचूर झाले. गाडीच्या आतपर्यंत लोखंडी सळ्या घुसल्या होत्या. या अपघाताचा व्हिडिओ सोशल मीडियावर प्रचंड व्हायरल झाला आहे, ज्यामध्ये कार लोखंडी जाळ्याखाली पूर्णपणे दबलेली दिसत असून आजूबाजूला नागरिक व वाहतूक पोलीस मदत करताना दिसत आहेत.
बंगळुरू : कायद्याच्या क्षेत्रात पाऊल ठेवणारे भावी वकील केवळ पुस्तकी ज्ञानावर मोठे होत नाहीत, तर त्यांच्याकडे न्याय मिळवून देण्याचे धाडस आणि ...
सुरुवातीला आलेल्या काही वृत्तांनुसार, या अपघातात कारमधील दोन जण गंभीर जखमी झाल्याची माहिती समोर आली होती. मात्र, मुंबई महानगर प्रदेश विकास प्राधिकरणाने (MMRDA) नंतर अधिकृत स्पष्टीकरण देत असे सांगितले की, या दुर्दैवी घटनेत कोणालाही दुखापत झालेली नाही किंवा कोणतीही जीवितहानी झालेली नाही. हा एक मोठा दिलासा मानला जात आहे. या अपघातामुळे मुंबई-ठाणे सीमेवरील या अत्यंत महत्त्वाच्या मार्गावर काही काळ वाहतुकीचा मोठा खोळंबा झाला होता. मात्र, प्रशासनाने तातडीने क्रेनच्या मदतीने अपघातग्रस्त कार आणि रस्त्यावरील लोखंडी जाळे बाजूला करत रस्ता मोकळा केला.
या संपूर्ण प्रकरणाची एमएमआरडीएने अत्यंत गंभीर दखल घेतली आहे. सुरक्षिततेच्या नियमांकडे दुर्लक्ष केल्याप्रकरणी संबंधित कंत्राटदारावर कारवाईचा बडगा उगारत तब्बल २ कोटी रुपयांचा दंड ठोठावण्यात आला आहे. हा अपघात नेमका कशामुळे घडला, यात कोणकोणत्या सुरक्षा त्रुटी राहिल्या होत्या, याची सखोल चौकशी करण्याचे आदेश देण्यात आले आहेत. भविष्यात अशा चुकांची पुनरावृत्ती टाळण्यासाठी सर्व प्रकल्पांवर सुरक्षा उपायांची कठोर अंमलबजावणी केली जाईल, असे प्रशासनाकडून स्पष्ट करण्यात आले आहे.
