Rashmika Mandana: बोल्ड सीन्स आणि अंग प्रदर्शनाबद्दल रश्मिका मंदाना जरा स्पष्टच बोलली; म्हणाली, "लाज वाटते पण..."

1/7 टॉलिवूड कपल रश्मिका मंदाना आणि विजय देवरकोंडा अलीकडेच 'कॉफी विथ करण'च्या 9 व्या सीझनमध्ये हजेरी लावली होती. 'रणबाली' चित्रपटाच्या निमित्ताने हे स्टार कपल ह्या चॅट शोमध्ये आलं होतं. यावेळी करणने रश्मिका आणि विजयला खासगी आयुष्यासह करियरबाबतीत सुद्धा प्रश्न विचारले.

2/7 टॉलिवूड इंडस्ट्रीतील आघाडीतील अभिनेत्रींमध्ये रश्मिकाचा समावेश होतो. तिची अभिनय शैली, फिटनेस आणि सौंदर्य या गोष्टींमुळे तिला अनेकदा चित्रपटांमध्ये घेतले जाते. सर्वच शैलीतील भूमिका अगदी सहज साकारणाऱ्या रश्मिकाने आजवर ऑनस्क्रिन केव्हाच बोल्ड सीन किंवा बिकनी सीन दिलेले नाही, याबद्दल तिला करणने प्रश्न विचारला होता.

3/7 राम चरणच्या 'पेद्दी' चित्रपटातील जान्हवी कपूरच्या भूमिकेभोवती सुरू असलेल्या वादाचा विषय निघाला. चित्रपटातील काही सीन्समधील मॉर्फ केलेले फोटो सोशल मीडियावर व्हायरल झाले होते. जान्हवीसोबत 'पेद्दी' चित्रपटातील काही फोटोस व्हायरल झाल्याची घटना घडल्यानंतर तू बिकनी सीन किंवा बोल्ड सीन्ससाठी स्वत:वर काही निर्बंध लावलेस का?

4/7 या प्रश्नावर उत्तर देताना रश्मिका म्हणाली की, "होय, मला काही गोष्टी करण्यासाठी संकोच वाटतो. निर्मात्यांना आणि दिग्दर्शकांना आधीच स्पष्ट सांगते की, "मी काही भूमिकांसाठी बिकनी घालण्यासाठी किंवा बोल्ड सीन्स करण्यासाठी कम्फर्टेबल नाही. कमर्शियल चित्रपट करताना सुद्धा बऱ्याचदा काही आऊटफिट्स असतात, जे घालताना अनकम्फर्टेबल वाटतं. म्हणूनच मी स्वत:साठी मर्यादा आखल्या आहेत."

5/7 "अनेकदा माझ्या अटी दिग्दर्शकांना- निर्मात्यांना आवडतात, मी त्यांच्यासोबतच काम करते." रश्मिकानंतर विजयनेही या मुद्द्यावर आपलं मत मांडलंय. तो म्हणाला, "या मुद्द्यावर बोलणं आणि काम करणं आव्हानात्मक आहे." विजय बोलत असताना रश्मिकानेही मान डोलवली. "निर्मात्यांना- दिग्दर्शकांना बोलताना कलाकार मोकळेपणाने बोलू शकतील. मनामध्ये काहीही न ठेवता बोलायला यायला हवं", असं रश्मिका म्हणाली.

6/7 "मला बऱ्याचदा बोल्ड सीन्सबद्दल बोलताना मोकळेपणाने बोलता येत नाही. मलाही बोलताना खूप अवजड जातं. मी अनेकदा विजयला, असं बोलू का? तसं बोलू का? असं विचारत असते." असं रश्मिका म्हणाली. रश्मिकाच्या मुद्द्याला जोडून पुढे विजय म्हणाला की, "त्या सर्वांना अशा सपोर्टची आवश्यकता आहे, जे त्यांना सांगतील की, तुम्ही तुमच्या मतावर ठाम राहाल आणि 'नाही' बोलणं खूपच सहज आहे."

7/7 "अनेकदा लोकं तुम्हाला तुम्ही अभिनेत्री असल्याची जाणीव करून देतात. तुम्ही चित्रपट साईन केलाय, हे तुमचं काम आहे. तुमच्यावर दबाव टाकून तुम्हाला प्रोफेशनल नसल्याचा संशय घ्यायला तुम्हाला भाग पाडतात." असं मत सुद्धा विजयने चॅट शोमध्ये मांडलं.