बंगळूर: कर्नाटकातील बंगळूर येथील विधान सौधमध्ये बॉम्बस्फोट झाल्याचा दावा करणारा कृत्रिम बुद्धिमत्तेच्या (AI) मदतीने तयार केलेला बनावट व्हिडिओ सोशल मीडियावर व्हायरल झाल्यानंतर पोलिसांनी बिहारमधील एका मजुराला अटक केली आहे. अली असे आरोपीचे नाव असल्याचे वृत्त आहे. या प्रकरणी पोलिसांनी एफआयआर दाखल केला असून, व्हिडिओ तयार करण्यामागील हेतू जाणून घेण्यासाठी आरोपीची चौकशी सुरू आहे.
मुंबई: सणासुदीच्या पार्श्वभूमीवर नागरिकांच्या आरोग्याशी खेळणाऱ्या अन्नपदार्थ विक्रेत्यांवर अन्न व औषध प्रशासनाने (FDA) राज्यव्यापी धडक मोहीम राबवली ...
व्हिडिओमध्ये काय दाखवले?
AI च्या मदतीने तयार केलेल्या या व्हिडिओमध्ये एक व्यक्ती ट्रिगर ओढल्याची नक्कल करताना दिसते. त्यानंतर मोठा स्फोट होऊन विधान सौधची इमारत उद्ध्वस्त झाल्याचे दृश्य दाखवण्यात आले आहे. हा व्हिडिओ 20 ऑक्टोबर रोजी सोशल मीडियावर मोठ्या प्रमाणात व्हायरल झाल्याचे वृत्त आहे.
मिळालेल्या माहितीनुसार, ‘Jnx king Hg’ नावाच्या इन्स्टाग्राम अकाउंटवरून हा व्हिडिओ सर्वप्रथम शेअर करण्यात आला होता. व्हिडिओसोबतच्या कॅप्शनमध्ये विधान सौध उडवून दिल्याचा दावा करण्यात आल्याचे सांगितले जाते. या प्रकरणानंतर संबंधित अकाउंट निष्क्रिय करण्यात आले.
Bengaluru Police arrested a 25-year-old Bihar native for allegedly creating & posting an AI-generated video depicting a bomb blast at Vidhana Soudha on Instagram.
The video, posted on Tuesday, showed an explosion at the state legislature building. Police registered an FIR & traced the account using digital clues.
The accused, a daily-wage pipe fitter, is in police custody. Investigators are probing his motive & possible involvement of others.
— ChristinMathewPhilip (@ChristinMP_) October 21, 2026
सोशल मीडियावर संताप; पोलिसांकडून कारवाई
बनावट व्हिडिओ व्हायरल झाल्यानंतर सोशल मीडियावर अनेकांनी संताप व्यक्त केला. तसेच, या प्रकरणी कठोर कारवाई करण्याची मागणी करत अनेकांनी पोलिसांना टॅग केले. त्यानंतर बंगळूर पोलिसांनी तपास सुरू करून व्हिडिओ तयार केल्याच्या आरोपावरून अलीला अटक केली.
पोलिसांनी स्पष्ट केले की, विधान सौधमध्ये प्रत्यक्षात कोणताही बॉम्बस्फोट झालेला नाही. सोशल मीडियावर प्रसारित झालेला व्हिडिओ बनावट असून, त्यामध्ये AI तंत्रज्ञानाचा वापर करण्यात आल्याचे सांगण्यात आले आहे.
AI च्या गैरवापराबाबत पोलिसांचा इशारा
AI तंत्रज्ञानाच्या मदतीने बनावट दृश्ये तयार करून ती सोशल मीडियावर प्रसारित केल्यास नागरिकांमध्ये भीती आणि संभ्रम निर्माण होऊ शकतो. त्यामुळे अशा प्रकारच्या व्हिडिओंची सत्यता पडताळल्याशिवाय ते पुढे पाठवू नयेत, असे आवाहन पोलिसांनी केले आहे.
या प्रकरणात आरोपीचा नेमका हेतू काय होता आणि व्हिडिओ कोणत्या उद्देशाने तयार करण्यात आला, याचा तपास पोलीस करत आहेत.