न्यूझीलंडची पराभवाची मालिका
न्यूझीलंड संघाने त्यांच्या मायभूमीत भारताविरुद्ध खेळलेल्या शेवटच्या 8 टी20 सामन्यांपैकी सात सामने गमावले आहेत. यात एकमेव अपवाद 2022 मधील नॅपियर येथील सामना होता. हा सामना डकवर्थ-लुईस नियमानुसार बरोबरीत सुटला होता.
नमन धीरच्या नावावर विक्रम
दुसरीकडे, टी20 आंतरराष्ट्रीय क्रिकेटमध्ये धावसंख्येचा यशस्वी पाठलाग करताना भारताकडून सातव्या किंवा त्यापेक्षा खालच्या क्रमांकावर फलंदाजी करताना नमन धीरने केलेली नाबाद 42 धावांची सर्वोच्च वैयक्तिक धावसंख्या ठरली आहे. यापूर्वी हा विक्रम इरफान पठाणच्या नावावर होता. त्याने श्रीलंकेविरुद्ध 2009 मध्ये नाबाद 33 धावांची खेळी केली होती.
दक्षिण अफ्रिकेचं कमबॅक, ऑस्ट्रेलियाला एक डाव आणि 31 धावांनी नमवलं! WTC गुणतालिकेत असा बदल
ऑस्ट्रेलिया आणि दक्षिण अफ्रिका यांच्यात तीन सामन्यांची कसोटी मालिका होत आहे. या मालिकेत दुसऱ्या कसोटी सामन्यानंतर 1-1 अशी स्थिती झाली आहे. पहिल्या ...
पहिल्याच चेंडूवर षटकार मारण्याचा संयुक्त विक्रम
या सामन्यात तीन फलंदाजांनी पहिल्याच चेंडूवर षटकार मारला. यात न्यूझीलंडच्या डॅरिल मिचेल, बेव्हन जेकॉब्स आणि भारताच्या अभिषेक शर्माचा समावेश आहे. या तिघांनी अगदी पहिल्याच चेंडूवर षटकार ठोकला. पुरुषांच्या टी20 आंतरराष्ट्रीय सामन्यात अशी कामगिरी होण्याची ही केवळ पाचवी वेळ असून हा एक संयुक्त विक्रम ठरला आहे. पूर्ण सदस्य देशांमध्ये याआधी फक्त 2018 मध्ये हॅमिल्टन येथे न्यूझीलंड विरुद्ध इंग्लंड सामन्यात अशी कामगिरी झाली होती.