मुंबई : टेलिव्हिजन विश्वातील अत्यंत लोकप्रिय जोडी असलेल्या जय भानुशाली (Jay bhanushali) आणि माही विज (Mahi Vij) यांच्या घटस्फोटाची बातमी सध्या सोशल मीडियावर चर्चेचा विषय बनली आहे. पत्नीपासून विभक्त झाल्यानंतर अभिनेता जय भानुशाली याने आपली पहिली प्रतिक्रिया दिली आहे. आपल्या निवेदनात त्याने स्पष्ट केले आहे की, जरी त्यांचा संसार संपला असला, तरी माही आणि त्यांची लाडकी मुलगी तारा यांच्याबद्दलच्या त्याच्या मनात असलेला आदर आणि प्रेम कधीही कमी होणार नाही. नुकताच माहीने त्यांच्या घटस्फोटादरम्यान कोणतीही पोटगी (Alimony) न घेण्याचा मोठा निर्णय जाहीर केला होता, त्यानंतर जयची ही भावनिक प्रतिक्रिया समोर आली आहे.
जय भानुशालीचा माहीला धीर देणारा संदेश
माहीच्या टीमकडून शेअर करण्यात आलेल्या एका सोशल मीडिया पोस्टवर प्रतिक्रिया देत जयने तिला मोलाचा पाठिंबा दर्शवला आहे. त्याने लिहिले आहे की,
"खचून नको जाऊस, माही. कठीण प्रसंगात आपण नेहमीच एकमेकांच्या पाठीशी उभे राहू, हे आपल्या दोघांनाही चांगले ठाऊक आहे. पैशाचा विषय आमच्या नात्यात कधीच नव्हता आणि पुढेही कधी येणार नाही. तू आणि तारा हे दोघी आयुष्यभर माझी जबाबदारी राहाल. विवाहाचे कायदेशीर नाते संपले म्हणजे आमच्यातील प्रेम आणि आदरात बदल होईल, असा भाग नाही. मी सदैव तुमच्या मदतीसाठी उपलब्ध असेन."
मुंबई : देशाची आर्थिक राजधानी असलेल्या मुंबईतून एक अत्यंत खळबजनक बातमी समोर आली आहे. मुंबईच्या महापौर रितू तावडे (Ritu tawde)यांच्या कार्यालयाला आणि शहरातील ...
'बिग बॉस २०' च्या घरात माहीचा भावनिक खुलासा
सध्या ‘बिग बॉस २०’ या लोकप्रिय रिॲलिटी शोमध्ये सहस्पर्धक म्हणून सहभागी झालेली माही विज हिने शो दरम्यान आपल्या वैयक्तिक आयुष्याबद्दल आणि सिंगल मदर म्हणून जगताना करावी लागणाऱ्या संघर्षाबद्दल मनमोकळी चर्चा केली. आपल्या लेकीची (तारा) काळजी आणि संगोपन करताना ती बऱ्याचदा भावूक झालेली पाहायला मिळाली. माहीने सांगितले की, जय तिला नेहमी स्वतःसाठी थोडा वेळ काढण्यास आणि घराबाहेर पडून आपले आयुष्य जगण्यास प्रोत्साहन देतो. माहीने पुढे असेही सांगितले की, "एक सिंगल मदर म्हणून माझे दिवस कसे जातात, हे फक्त मलाच माहीत आहे. जय मला नेहमी सांगतो की तू फक्त तारासाठी घरातच बसून राहू नकोस, बाहेर जा आणि स्वतःचे आयुष्य एन्जॉय कर. माझे संपूर्ण जग माझ्या मुलीभोवतीच फिरते. माझ्या मुलीचे भविष्य अधिक सुरक्षित राहावे, यासाठी मी घटस्फोटावेळी कोणतीही पोटगी न घेण्याचा निर्णय घेतला आणि सर्व जबाबदाऱ्या स्वतःच्या बळावर पेलल्या."
न्यायाधीशांनी विचारला होता फेरविचार करण्याचा प्रश्न
या संवादादरम्यान माहीने एक अत्यंत रंजक गोष्ट सांगितली. त्यांच्या घटस्फोटाचा खटला चालवणाऱ्या न्यायाधीशांनी तिला तब्बल चार वेळा विचारले होते की, तिने आपल्या या निर्णयावर पुनर्विचार करावा आणि जयकडून मिळणारी आर्थिक मदत स्वीकारावी. परंतु, तिने आपला निर्णय बदलला नाही आणि ती आपल्या भूमिकेवर कायम राहिली. माहीने हे देखील स्पष्ट केले की, जयने कधीही तिला आर्थिक मदत देण्यास नकार दिला नव्हता; उलट जय नेहमी मदतीसाठी तयार असतो आणि गरज पडल्यास आपण त्याच्याशी संपर्क साधू शकतो. मात्र, जयने आपल्या कष्टाने कमावलेल्या पैशांवर हक्क सांगणे किंवा पोटगी मागणे तिला योग्य वाटले नाही, म्हणूनच तिने पोटगी नाकारण्याचा खंबीर निर्णय घेतला.
'विकेंड का वार'मध्ये रोहित शेट्टी सांभाळणार सूत्रे
या सर्व कौटुंबिक आणि वैयक्तिक घडामोडींसोबतच ‘बिग बॉस २०’च्या चाहत्यांसाठी आणखी एक मोठी बातमी आहे. नेहमी ‘विकेंड का वार’चे सूत्रसंचालन करणारे सुपरस्टार सलमान खान आपल्या इतर आधीच ठरलेल्या कामांमुळे (Prior Commitments) या आठवड्याच्या भागाला उपस्थित राहू शकणार नाहीत. त्यामुळे त्यांच्या जागी प्रसिद्ध दिग्दर्शक रोहित शेट्टी या विकेंडच्या भागाची धुरा सांभाळताना दिसणार आहेत. गेल्या भागातच सलमान खानने घरातील सर्व सदस्यांना या बदलाबाबत कल्पना दिली होती.