पनवेल: रिपब्लिकन पार्टी ऑफ इंडिया (आठवले) युवक आघाडी, पनवेल महानगरपालिका क्षेत्राच्या वतीने 24 व 25 ऑक्टोबर 2026 रोजी दोन दिवसीय भव्य "कोजागिरी पौर्णिमा उत्सव 2026" चे आयोजन करण्यात आले आहे. या महोत्सवाला भारत सरकारच्या सामाजिक न्याय आणि सक्षमीकरण विभागाचे केंद्रीय राज्यमंत्री रामदास आठवले दिनांक 25 ऑक्टोबर 2026 रोजी विशेष उपस्थिती लावून कार्यकर्त्यांचे मनोबल वाढवणार आहेत. सामाजिक एकात्मता, युवकांमधील बंधुभाव आणि सांस्कृतिक परंपरांचा जागर करण्याच्या उद्देशाने या उत्सवाचे आयोजन करण्यात आले आहे. नवीन पनवेलमधील सेक्टर-19 मधील गणेश मार्केटजवळील शिवा कॉम्प्लेक्स पार्किंग येथे हा कार्यक्रम पार पडत आहे.
उत्सवाची वैशिष्ट्ये आणि कार्यक्रम पत्रिका
वेळ: सायंकाळी 6.00 ते रात्रौ 10.00 वाजेपर्यंत.
24 ऑक्टोबर: सायंकाळी 6.00 ते रात्रौ 10.00 वाजेपर्यंत गरबा आणि विविध आकर्षक कार्यक्रमांचे आयोजन.
25 ऑक्टोबर: सायंकाळी 6.00 ते रात्रौ 9.00 पर्यंत गरबा व सांस्कृतिक कार्यक्रम. त्यानंतर रात्रौ 9.00 ते 10.00 या वेळेत प्रमुख पाहुण्यांचा सत्कार, बक्षीस वितरण आणि पारंपरिक केशर दूध वाटपाचा कार्यक्रम होईल.
मुंबई: कोकणवासीयांसाठी महत्त्वाची बातमी आहे. सावंतवाडी रोडवरून मुंबई सीएसएमटीकडे दररोज धावणाऱ्य एक्स्प्रेसच्या वेळापत्रकामध्ये बदल करण्यात आला ...
आकर्षक बक्षिसे आणि टी-शर्ट वाटप
या उत्सवात सहभागी होणाऱ्या नागरिकांसाठी आणि स्पर्धांमधील विजेत्यांसाठी एकूण 54 हून अधिक आकर्षक बक्षिसे ठेवण्यात आली आहेत. यामध्ये स्मार्ट टीव्ही, स्मार्ट फोन, कुलर, स्मार्ट वॉच, चांदीचे दागिने आणि खास पैठणी यांचा समावेश आहे. तसेच, युवकांसाठी विशेष "GEN-Z Republican" आकर्षक टी-शर्टचे वाटप देखील केले जाणार आहे. "समतेचा गर्व, युवकशक्तीचा जागर" या संकल्पनेवर आधारित हा उत्सव अक्षय विकास अहिरे यांच्या नेतृत्वाखाली आणि वैष्णव उदय पाटील तसेच अभिजित निळकंठ गायकवाड यांच्या मार्गदर्शनाखाली पार पडत आहे. पनवेल परिसरातील सर्व नागरिक, युवक-युवती, महिला व ज्येष्ठ नागरिकांनी मोठ्या संख्येने उपस्थित राहून या सांस्कृतिक व सामाजिक उत्सवात सहभागी व्हावे, असे आवाहन आयोजकांच्या वतीने करण्यात आले आहे.
स्थळ: शिवा कॉम्प्लेक्स पार्किंग, गणेश मार्केट जवळ, सेक्टर-19, नवीन पनवेल.
दिनांक: 24 व 25 ऑक्टोबर 2026