कच्छ: भारत-पाकिस्तान आंतरराष्ट्रीय सीमेवर सुरक्षा यंत्रणांनी मोठी धडक कारवाई केली आहे. गुजरातच्या कच्छ जिल्ह्याला लागून असलेल्या अत्यंत संवेदनशील सर क्रीकच्या दलदलीच्या प्रदेशातून भारतीय हद्दीत बेकायदा प्रवेश करणाऱ्या ४ पाकिस्तानी मासेमारांना सीमा सुरक्षा दलाने (बीएसएफ) ताब्यात घेतले आहे. या कारवाईदरम्यान जवानांनी त्यांची एक मासेमारी नौकाही जप्त केली असून, या घटनेमुळे सीमावर्ती भागात एकच खळबळ उडाली आहे. गुप्तचर यंत्रणांच्या विशेष माहितीच्या आधारे हा सापळा रचण्यात आला होता.
नवी दिल्ली: भारतीय संसदेच्या यजमानपदाखाली 26 ऑक्टोबर 2026 रोजी 12 व्या ब्रिक्स संसदीय मंचाची सुरुवात होत आहे. या 2 दिवसीय परिषदेच्या पूर्वसंध्येला लोकसभा ...
सर क्रीकच्या दलदलीत अनधिकृत प्रवेश
रविवारी सर क्रीक परिसरातील दलदलीच्या भागात खेकडे पकडण्याच्या बहाण्याने हे पाकिस्तानी मासेमार भारतीय जलक्षेत्रात दाखल झाले होते. बीएसएफच्या माहितीनुसार, ताब्यात घेण्यात आलेल्या मासेमारांची नावे कादिर थैमोर, मुहम्मद मूसा, असगर थैमोर आणि अहसान जट अशी आहेत. हे चौघेही पाकिस्तानच्या सिंध प्रांतातील ‘चाच जान खान’ गावाचे रहिवासी आहेत. सध्या सुरक्षा यंत्रणांकडून त्यांची कसून चौकशी सुरू आहे.
वाराणसी : भारतीय वायुसेनेच्या 94 व्या वर्धापनदिनानिमित्त वाराणसीतील नमो घाटावर आयोजित करण्यात आलेल्या ‘विंग्स ओव्हर गंगा’ या भव्य एअर शोने ...
अत्यंत संवेदनशील भाग आणि सुरक्षेचं आव्हान
सर क्रीक हा कच्छच्या रणातील भारत आणि पाकिस्तानच्या सिंध प्रांताच्या किनारपट्टीदरम्यान असलेला अरुंद, भरती-ओहोटीच्या प्रभाваखालील खाडीचा भाग आहे. हा परिसर अरबी समुद्रातील सागरी सीमारेषेच्या निर्धारणाशी जोडलेला असून भारत-पाकिस्तानमधील दीर्घकालीन सीमावादाच्या दृष्टीने अत्यंत संवेदनशील मानला जातो. या परिसरातील उथळ पाणी, भरती-ओहोटी आणि विस्तीर्ण दलदलीचा प्रदेश यांमुळे नौकांच्या हालचालींवर लक्ष ठेवणे तसेच निगराणी करणे सुरक्षा यंत्रणांसाठी कायमच आव्हानात्मक ठरते.
नवी दिल्ली: पंतप्रधान नरेंद्र मोदी यांच्या लोकप्रिय ‘मन की बात’ या रेडिओ कार्यक्रमाला 12 वर्षे पूर्ण झाली आहेत. विजयादशमीच्या पवित्र मुहूर्तावर सुरू ...
सुरक्षा यंत्रणांची वाढती सतर्कता
मासेमारीदरम्यान काही मच्छीमार नकळत, तर काही जाणीवपूर्वक सीमारेषा ओलांडत असल्याच्या घटना वारंवार घडत असतात. त्यामुळे या भागातील सुरक्षा व्यवस्थेला विशेष महत्त्व प्राप्त झाले आहे. भारताच्या पश्चिम सीमेवरील या संवेदनशील भागात बीएसएफकडून नियमित गस्त आणि कडक देखरेख ठेवली जाते. अनधिकृत सीमा ओलांडणे तसेच इतर बेकायदा हालचाली रोखण्यासाठी सुरक्षा दल पूर्णपणे सतर्क असून, या चौकशीतून काही मोठे धागेदोरे हाती लागण्याची शक्यता आहे.
