कर्नाटकच्या म्हैसूर जिल्ह्यातील हुनसूर तालुक्यातून एक अत्यंत धक्कादायक आणि खळबळजनक घटना समोर आली आहे. अनैतिक संबंधांच्या आड येणाऱ्या पतीचा काटा काढण्यासाठी एका पत्नीने युट्यूबवरून विष देण्याचे तंत्र शिकून अत्यंत क्रूरपणे त्याची हत्या केल्याचे उघडकीस आले आहे. पवित्रा असे आरोपी पत्नीचे नाव असून, सुनील असे तिच्या प्रियकराचे नाव आहे. याप्रकरणी पोलिसांनी तातडीने कारवाई करत दोघांनाही बेड्या ठोकल्या आहेत. मिळालेल्या माहितीनुसार, आरोपी महिला पवित्रा हिचा विवाह 35 वर्षीय रामप्रसाद याच्याशी झाला होता आणि त्यांना दोन मुलेही आहेत. मात्र, संसाराची गाडी सुरळीत सुरू असतानाच पवित्राचे गावातीलच सुनील नावाच्या एका तरुणासोबत अनैतिक संबंध प्रस्थापित झाले. या अवैध संबंधांमुळे पती-पत्नीमध्ये सतत वाद होत असत. या सततच्या वादाला आणि भांडणांना कंटाळून तसेच आपल्या मार्गातील मुख्य अडथळा दूर करण्यासाठी पवित्राने पतीला कायमचे संपवण्याचा भयानक कट रचला.
पतीची हत्या करण्यासाठी पवित्राने आधुनिक तंत्रज्ञानाचा गैरवापर करत युट्यूबची मदत घेतली. युट्यूबवर व्हिडिओ पाहून तिने धोतऱ्याच्या विषारी बियांच्या प्रभावाविषयी आणि ती कशी दिली जाते, याची माहिती मिळवली. ठरलेल्या योजनेनुसार, 16 ऑक्टोबरच्या रात्री रामप्रसाद दारूच्या नशेत घरी परतला. याच संधीचा फायदा घेत पवित्राने त्याला रात्रीच्या जेवणात इडलीमध्ये धोतऱ्याच्या बियांची पावडर मिसळून खाऊ घातली. मात्र, विष देऊनही रामप्रसादचा तात्काळ मृत्यू झाला नाही. विषारी पावडरीचा हवा तसा परिणाम होत नाही हे पाहून पवित्रा घाबरली. तिने न जुमानता आपल्या प्रियकर सुनीलला तातडीने घरी बोलावून घेतले. त्यानंतर दोघांनी मिळून रामप्रसादचा गळा आवळून अतिशय निर्दयपणे खून केला, ज्यामुळे त्याचा जागीच मृत्यू झाला.
मुंबई : देशाची आर्थिक राजधानी असलेल्या मुंबईतून एक अत्यंत खळबजनक बातमी समोर आली आहे. मुंबईच्या महापौर रितू तावडे (Ritu tawde)यांच्या कार्यालयाला आणि शहरातील ...
हत्येनंतर हा भयंकर प्रकार लपवण्यासाठी आणि पोलिसांची दिशाभूल करण्यासाठी पवित्राने अत्यंत चलाखीने बनाव रचला. तिने मृत रामप्रसादच्या भावाला फोन करून तो दही खाल्ल्यामुळे तब्येत बिघडल्याने उठत नसल्याचे सांगितले. कुटुंबीयांनी संशय न घेता उपचारासाठी त्याला तातडीने रुग्णालयात नेले, जिथे डॉक्टरांनी त्याला मृत घोषित केले. पवित्राच्या बोलण्यावर आणि अश्रूंवर विश्वास ठेवून कुटुंबीयांनी कुठलीही शहानिशा न करता मृत रामप्रसादवर अंत्यसंस्कारही उरकून टाकले. परंतु, या प्रकरणातील संशयास्पद हालचालींची माहिती पोलिसांना मिळताच त्यांनी तातडीने सूत्रे हलवली. पोलिसांनी सखोल चौकशी आणि कसून तपास करत या हत्येचे बिंग फोडले. याप्रकरणी पोलिसांनी पत्नी पवित्रा आणि तिचा प्रियकर सुनील या दोघांनाही अटक केली असून, या घटनेने संपूर्ण परिसरात मोठी खळबळ उडाली आहे. अनैतिक संबंधांसाठी स्वतःच्याच पतीचा असा अंत केल्याने सर्वत्र संताप व्यक्त होत आहे.