न्यूझीलंडसाठी करो या मरोची स्थिती! तर भारताला मालिका विजयाची संधी, तिसरा टी20 सामना कुठे पाहणार? जाणून घ्या
भारत आणि न्यूझीलंड यांच्यात पाच सामन्यांची टी20 मालिका होत आहे. या मालिकेतील सुरूवातीच्या दोन सामन्यात भारताने सरशी घेतली. आता तिसऱ्या टी20 सामन्यासाठी भारतीय संघ सज्ज झाला आहे.
October 26, 2026 01:03 PM
न्यूझीलंडसाठी करो या मरोची स्थिती! तर भारताला मालिका विजयाची संधी, तिसरा टी20 सामना कुठे पाहणार? जाणून घ्या (Photo: BCCI Twitter)
भारतीय संघ न्यूझीलंड दौऱ्यावर असून पाच सामन्यांची टी20 मालिका सुरू आहे. या मालिकेतील पहिल्या दोन सामन्यावर भारताने पकड मिळवली. भारतीय संघ 2-0 ने आघाडीवर आहे. आता उर्वरित तीन पैकी एक सामना जिंकला तर भारत मालिका खिशात घालेल. तिसरा टी20 सामना वेलिंग्टनच्या हेनरी स्टेडियममध्ये होत आहे. या सामन्यात न्यूझीलंडसाठी करो या मरोची स्थिती आहे. कारण यापुढे न्यूझीलंडने एकही सामना गमावला तर मालिका हातची जाईल. पहिल्या सामन्यात न्यूझीलंडने 200हून अधिक धावांचं लक्ष्य दिलं होतं. हे लक्ष्य भारताने सहज गाठलं. त्यानंतर दुसऱ्या टी20 सामन्यात भारताची स्थिती नाजूक होती. आघाडीचे फलंदाज झटपट बाद झाल्यानंतर तिलक वर्मा, नमन धीर आणि नितीश कुमार रेड्डी यांनी हा सामना काढला.
भारत न्यूझीलंड टी20 मालिका हेड टू हेड
आंतरराष्ट्रीय टी20 सामन्यात भारत आणि न्यूझीलंड 33 वेळा आमनेसामने आले आहेत. यात भारताने 21, तर न्यूझीलंडने 11 सामन्यात विजय मिळवला आहे. तर एक सामना बरोबरीत सुटला आहे.
भारत न्यूझीलंड तिसरा टी20 सामना कधी?
भारत न्यूझीलंड तिसरा टी20 सामना 24 ऑक्टोबर 2026 रोजी, शनिवार होणार आहे. भारतीय वेळेनुसार दुपारी 12.30 वाजता सामना सुरू होईल. नाणेफेकीचा कौल 12 वाजता होणार आहे.
