न्यूझीलंडसाठी करो या मरोची स्थिती! तर भारताला मालिका विजयाची संधी, तिसरा टी20 सामना कुठे पाहणार? जाणून घ्या

भारतीय संघ न्यूझीलंड दौऱ्यावर असून पाच सामन्यांची टी20 मालिका सुरू आहे. या मालिकेतील पहिल्या दोन सामन्यावर भारताने पकड मिळवली. भारतीय संघ 2-0 ने आघाडीवर आहे. आता उर्वरित तीन पैकी एक सामना जिंकला तर भारत मालिका खिशात घालेल. तिसरा टी20 सामना वेलिंग्टनच्या हेनरी स्टेडियममध्ये होत आहे. या सामन्यात न्यूझीलंडसाठी करो या मरोची स्थिती आहे. कारण यापुढे न्यूझीलंडने एकही सामना गमावला तर मालिका हातची जाईल. पहिल्या सामन्यात न्यूझीलंडने 200हून अधिक धावांचं लक्ष्य दिलं होतं. हे लक्ष्य भारताने सहज गाठलं. त्यानंतर दुसऱ्या टी20 सामन्यात भारताची स्थिती नाजूक होती. आघाडीचे फलंदाज झटपट बाद झाल्यानंतर तिलक वर्मा, नमन धीर आणि नितीश कुमार रेड्डी यांनी हा सामना काढला.

भारत न्यूझीलंड टी20 मालिका हेड टू हेड

आंतरराष्ट्रीय टी20 सामन्यात भारत आणि न्यूझीलंड 33 वेळा आमनेसामने आले आहेत. यात भारताने 21, तर न्यूझीलंडने 11 सामन्यात विजय मिळवला आहे. तर एक सामना बरोबरीत सुटला आहे.

भारत न्यूझीलंड तिसरा टी20 सामना कधी?

भारत न्यूझीलंड तिसरा टी20 सामना 24 ऑक्टोबर 2026 रोजी, शनिवार होणार आहे. भारतीय वेळेनुसार दुपारी 12.30 वाजता सामना सुरू होईल. नाणेफेकीचा कौल 12 वाजता होणार आहे.

भारतात न्यूझीलंड विरुद्ध भारत तिसऱ्या टी20 सामन्याचे थेट प्रक्षेपण कुठे पाहावे?

न्यूझीलंड विरुद्ध भारत तिसऱ्या टी20 सामन्याचे थेट प्रक्षेपण भारतात सोनी स्पोर्ट्स नेटवर्कवर उपलब्ध असेल.

भारतात न्यूझीलंड विरुद्ध भारत तिसऱ्या टी20 सामन्याचे थेट प्रक्षेपण कुठे पाहावे?

सोनीलिव्ह आपल्या ॲप आणि वेबसाइटद्वारे न्यूझीलंड आणि भारत यांच्यातील तिसऱ्या टी20 आंतरराष्ट्रीय सामन्याचे भारतात थेट प्रक्षेपण करेल.

न्यूझीलंड विरुद्ध भारत तिसरा टी20 सामन्यासाठी संभाव्य प्लेइंग 11

न्यूझीलंडचे संभाव्य 11 खेळाडू:फिन ऍलन, टिम सेफर्ट (विकेटकीपर), डॅरिल मिचेल, ग्लेन फिलिप्स, बेव्हॉन जेकब्स, मायकल ब्रेसवेल, मिचेल सँटनर (कर्णधार), नॅथन स्मिथ, काईल जेमिसन, ऍडम मिल्ने, ब्लेअर टिकनर

भारताचा संभाव्य प्लेइंग 11 :अभिषेक शर्मा, संजू सॅमसन (विकेटकीपर), वैभव सूर्यवंशी, श्रेयस अय्यर (कर्णधार), तिलक वर्मा, नितीश कुमार रेड्डी, नमन धीर, अक्षर पटेल, भुवनेश्वर कुमार, अर्शदीप सिंग, प्रिन्स यादव