लाहोर : पाकिस्तान आणि इंग्लंड यांच्यातील वनडे तिरंगी मालिकेतील सामना क्रिकेट चाहत्यांसाठी अविस्मरणीय ठरला. शादाब खानला LBW बाद दिल्यानंतर इंग्लंडच्या खेळाडूंनी विजयाचा आनंद साजरा करण्यास सुरुवात केली. काही क्षणांतच दोन्ही संघांच्या खेळाडूंमध्ये हस्तांदोलनही झाले. मात्र, DRS अर्थात निर्णय पुनरावलोकन प्रणालीमध्ये शादाबच्या बॅटला चेंडू लागल्याचे स्पष्ट झाल्यानंतर पंचांचा निर्णय बदलण्यात आला आणि सामना पुन्हा रंगात आला. अखेर शादाब खानच्या नाबाद 113 धावा आणि हारिस रौफच्या साथीच्या जोरावर पाकिस्तानने इंग्लंडचा 1 विकेटने पराभव केला. हा सामना 25 ऑक्टोबर 2026 रोजी लाहोरच्या गद्दाफी स्टेडियमवर खेळवण्यात आला.
भारतीय महिला क्रिकेट संघाने दुसऱ्या वनडे सामन्यात झिम्बाब्वेला पराभवाची धूळ चारली. या सामन्यात नाणेफेकीचा कौल भारताच्या बाजूने लागला आणि कर्णधार ...
शादाब बाद, इंग्लंडचा जल्लोष; DRS ने दिले जीवदान
पाकिस्तानला विजयासाठी 21 धावांची गरज असताना इंग्लंडचा गोलंदाज गस अ‍ॅटकिन्सन याच्या चेंडूवर शादाब खानला LBW बाद देण्यात आले. शादाबनेही सुरुवातीला आपली विकेट गेल्याचे मानल्यासारखी प्रतिक्रिया दिली. इंग्लंडच्या खेळाडूंनी आनंद साजरा केला आणि सामना संपल्याचे चित्र निर्माण झाले. मात्र, शादाबने DRS घेण्याचा निर्णय घेतला होता. रिप्लेमध्ये अल्ट्राएजवर चेंडू बॅटला लागल्याचा संकेत दिसला. त्यामुळे मैदानावरील पंचांचा निर्णय बदलण्यात आला आणि शादाब नाबाद ठरला. या नाट्यमय वळणामुळे इंग्लंडच्या विजयाच्या आशांना मोठा धक्का बसला आणि पाकिस्तानला सामना जिंकण्याची आणखी एक संधी मिळाली.
PURE DRAMA. ABSOLUTE MADNESS! 🇵🇰🏏
Shadab Khan was on 97 when Gus Atkinson trapped him LBW. Players began shaking hands — England thought they had sealed it!
BUT SHADAB REVIEWED! 😱 The replay exposed an inside edge. NOT OUT!
And Shadab turned that escape into a MATCH-WINNING 113! Pakistan pulled off a sensational victory over England after a stunning fightback. What a comeback! 🔥🇵🇰
#ShadabKhan #PAKvsENG #PakistanCricket #CricketDrama
— Sajjad Tarakzai (@SajjadTarakzai) October 25, 2026
154 धावांत 9 विकेट; पाकिस्तानचा डाव अडचणीत
इंग्लंडने प्रथम फलंदाजी करत 46.4 षटकांत सर्वबाद 241 धावा केल्या. बेन डकेटने 105 धावांची शतकी खेळी केली, तर सॅम करनने 42 धावांचे योगदान दिले. पाकिस्तानकडून शाहीन शाह आफ्रिदीने 4 विकेट घेतल्या. 242 धावांच्या लक्ष्याचा पाठलाग करताना पाकिस्तानची फलंदाजी कोलमडली. संघाने 154 धावांवर 9 विकेट गमावल्या होत्या. अशा परिस्थितीत पाकिस्तानचा पराभव जवळपास निश्चित मानला जात होता. मात्र, शादाब खानने हार न मानता डावाची सूत्रे आपल्या हातात घेतली.
1 minute 42 seconds of pure bliss.
As a cricket fan everyone should appreciate this exceptional innings by Shadab Khan !!
Well done Pakistan 🇵🇰 and their fans. Tonight is your time to celebrate
Shadab Khan has become a hero tonight and earned the respect of the cricketing fraternity for this amazing innings under extreme duress!
— Troll cricket unlimitedd (@TUnlimitedd) October 25, 2026
शादाबचे विक्रमी शतक; हारिस रौफची मोलाची साथ
शादाबने 96 चेंडूंत नाबाद 113 धावा केल्या. त्याच्या खेळीत 13 चौकार आणि 5 षटकारांचा समावेश होता. दुसऱ्या टोकाला हारिस रौफने 19 चेंडूंत नाबाद 7 धावा करत शादाबला साथ दिली. दोघांनी 10व्या विकेटसाठी नाबाद 89 धावांची भागीदारी केली. यशस्वी वनडे धावांचा पाठलाग करताना 10व्या विकेटसाठी झालेली ही सर्वाधिक भागीदारी ठरली. पाकिस्तानने 47.1 षटकांत 9 बाद 243 धावा करत 1 विकेटने सामना जिंकला. शादाबला सामनावीर पुरस्कार देण्यात आला. या विजयामुळे पाकिस्तानने तिरंगी मालिकेच्या अंतिम फेरीत प्रवेश निश्चित केला, तर इंग्लंडला सलग तिसऱ्या पराभवाचा सामना करावा लागला.