बोरिवली पूर्व येथील स्वामी विवेकानंद मार्गावरील अंमलबजावणीसाठी निश्चित केलेला हा भूखंड नगर भूमापन क्रमांक 15 तसेच नगररचना योजना क्रमांक 2 अंतर्गत बेस्ट बस स्थानकासाठी आरक्षित आहे. मात्र, या आरक्षित जागेवर व्यावसायिक गाळ्यांचे अतिक्रमण झाल्याने बस स्थानकाच्या नियोजित वापरात अडथळा निर्माण झाला होता. त्यामुळे महापालिकेच्या आर/मध्य विभागाने अतिक्रमण हटविण्याची मोहीम हाती घेतली.
Bhandup Food Poison Case: लग्नातील अन्नातून विषबाधा प्रकरणी कॅटरर्स मालकाला पोलिसांची नोटीस
रविवारी (1 नोव्हेंबर) नाहूर पश्चिम येथील नालंदा बुद्ध विहार हॉलमध्ये आयोजित एका लग्नसमारंभात अन्नातून विषबाधा झाल्याची खळबळजनक घटना समोर आली होती. या ...
या कारवाईसाठी आर/मध्य विभागातील अभियंते आणि कर्मचाऱ्यांसह सुमारे 70 कामगार-कर्मचाऱ्यांचा ताफा तैनात करण्यात आला आहे. दोन जेसीबी, चार डंपर यांच्या सहाय्याने अतिक्रमित बांधकामे हटविण्यात येत आहेत. कारवाईदरम्यान कोणताही अनुचित प्रकार घडू नये, यासाठी पुरेसा पोलीस बंदोबस्तही ठेवण्यात आला आहे. महापालिकेच्या या धडक कारवाईमुळे बेस्ट बस स्थानकासाठी आरक्षित असलेल्या भूखंडावरील अतिक्रमणांचा प्रश्न पुन्हा ऐरणीवर आला आहे. उर्वरित एका गाळ्याबाबत पुढील कारवाई काय होते आणि हा भूखंड प्रत्यक्षात बेस्ट बस स्थानकाच्या विकासासाठी कधी उपलब्ध होतो, याकडे आता बोरिवलीकरांचे लक्ष लागले आहे.