महाराष्ट्रातील मतदारांसाठी मोठी बातमी! 22 डिसेंबरला अंतिम मतदार यादी; निवडणूक आयोगाने जाहीर केले नवे वेळापत्रक

महाराष्ट्रातील SIR-2026 प्रक्रियेचे वेळापत्रक निवडणूक आयोगाने सुधारित केले आहे. 18 नोव्हेंबरपासून ASDD मतदारांच्या गणना अर्जांचे वितरण आणि संकलन सुरू होणार असून, 10 डिसेंबरपर्यंत अर्जांचा निपटारा केला जाणार आहे. दावे-हरकतींची प्रक्रिया 15 डिसेंबरपर्यंत चालणार असून, अंतिम मतदार यादी 22 डिसेंबरला प्रसिद्ध होणार आहे.

मुंबई : महाराष्ट्रातील मतदार यादीच्या विशेष सखोल पुनरीक्षण प्रक्रियेसंदर्भात (SIR-2026) भारतीय निवडणूक आयोगाने महत्त्वाचे निर्देश जारी केले आहेत. 17 नोव्हेंबर 2026 रोजी जारी केलेल्या अधिकृत आदेशानुसार महाराष्ट्रासह 7 राज्ये आणि केंद्रशासित प्रदेशांमधील SIR प्रक्रियेचे सुधारित वेळापत्रक निश्चित करण्यात आले आहे. या निर्णयानुसार महाराष्ट्रातील अंतिम मतदार यादी 22 डिसेंबर 2026 रोजी प्रसिद्ध होणार आहे. निवडणूक आयोगाने महाराष्ट्राच्या मुख्य निवडणूक अधिकाऱ्यांना पाठवलेल्या पत्रात ASDD मतदारांच्या गणना अर्जांसंदर्भातही महत्त्वाचे वेळापत्रक दिले आहे. त्यानुसार 18 नोव्हेंबर 2026 पर्यंत गणना अर्जांची निर्मिती आणि छपाई पूर्ण केली जाणार आहे. त्यानंतर 18 ते 30 नोव्हेंबर 2026 या कालावधीत अर्जांचे वितरण आणि संकलन केले जाणार आहे. तर 10 डिसेंबर 2026 पर्यंत गणना अर्जांचा निपटारा करण्याचे निर्देश देण्यात आले आहेत.



महाराष्ट्रासाठी SIR प्रक्रियेचे नवे वेळापत्रक


निवडणूक आयोगाच्या सुधारित वेळापत्रकानुसार महाराष्ट्रात दावे आणि हरकतींच्या प्रक्रियेसाठी 31 ऑगस्ट 2026 ते 15 डिसेंबर 2026 हा कालावधी निश्चित करण्यात आला आहे. त्यानंतर 22 डिसेंबर 2026 रोजी अंतिम मतदार यादी प्रसिद्ध केली जाणार आहे. या प्रक्रियेत महाराष्ट्रासह आंध्र प्रदेश, दिल्ली, नागालँड, तेलंगणा, हरियाणा आणि झारखंड या राज्यांचा व केंद्रशासित प्रदेशांचा समावेश आहे. या सर्व राज्ये आणि केंद्रशासित प्रदेशांसाठी अंतिम मतदार यादी प्रसिद्ध करण्याची तारीख 22 डिसेंबर 2026 निश्चित करण्यात आली आहे.






राजकीय पक्षांनाही कळवणार सुधारित वेळापत्रक


निवडणूक आयोगाने संबंधित राज्यांच्या मुख्य निवडणूक अधिकाऱ्यांना आणि प्रशासकीय यंत्रणांना या निर्णयाची माहिती देण्याचे निर्देश दिले आहेत. तसेच ASDD मतदारांच्या गणना प्रक्रियेची आणि SIR-2026 च्या सुधारित वेळापत्रकाची सर्व उपलब्ध माध्यमांद्वारे व्यापक प्रसिद्धी करण्यास सांगितले आहे. राजकीय पक्षांनाही या बदललेल्या वेळापत्रकाची लेखी स्वरूपात माहिती देण्याचे आदेश देण्यात आले आहेत. त्यामुळे महाराष्ट्रातील मतदार यादीच्या पुनरीक्षण प्रक्रियेला आता वेग येणार असून, 22 डिसेंबरला प्रसिद्ध होणाऱ्या अंतिम मतदार यादीकडे सर्वांचे लक्ष लागले आहे.

Comments
Add Comment

Junior Engineer Recruitment 2026: सरकारी संस्थेत नोकरीची संधी! ८० हजारांपर्यंत पगार; असा कराल अर्ज

देशातील प्रतिष्ठित अभियांत्रिकी संस्थांपैकी एक असलेल्या IIT दिल्ली येथे नोकरीची सुवर्णसंधी मिळणार आहे. कनिष्ठ

आंध्र प्रदेशावर तिसऱ्या चक्रीवादळाचे संकट; बंगालच्या उपसागरात नेमकं काय घडतंय?

बंगालच्या उपसागरात सध्या सुरू असलेल्या हवामान बदलांनी हवामान शास्त्रज्ञांचे लक्ष वेधून घेतले आहे. गेल्या काही

Rafale M88 engine ecosystem India: राफेल इंजिनसाठी भारताची तयारी! फ्रान्सच्या मदतीने देशातच उभारणार M88 इकोसिस्टम

भारत आणि फ्रान्स यांच्यातील संरक्षण सहकार्याला नवी दिशा मिळण्याची शक्यता आहे. राफेल लढाऊ विमानांना शक्ती

UP Election 2027 : 'अयोध्या झाली, आता मथुरेची बारी'; २०२७ च्या यूपी निवडणुकांसाठी भाजपचे श्रीकृष्णाच्या नगरीत महामंथन, बैठकीनंतर योगी दिल्लीला रवाना होणार

नवी दिल्ली : उत्तर प्रदेशात २०२७ मध्ये होणाऱ्या आगामी विधानसभा निवडणुकांसाठी भारतीय जनता पक्षाने (भाजप)

Cyclone Akwan Speed : ताशी १४५ किमी वेगाने धडकणार 'अकवान' चक्रीवादळ; आंध्र प्रदेश, ओडिसामध्ये हाय अलर्ट, शाळांना सुट्ट्या जाहीर तर महाराष्ट्रातही पावसाची शक्यता

बंगालच्या उपसागरात निर्माण झालेला कमी दाबाचा पट्टा आता एका तीव्र चक्रीवादळात बदलत असून, या भीषण '' (Akvan)

UP Election: उत्तर प्रदेशच्या मतदार यादीचा मसुदा जाहीर; अंतिम यादी 4 जानेवारीला प्रसिद्ध होणार

उत्तर प्रदेश निवडणूक आयोगाने विशेष संक्षिप्त पुनरावलोकन (एसएसआर) अंतर्गत मतदार यादीचा मसुदा प्रसिद्ध केला आहे.