केंद्रीय मंत्री नारायण राणे यांचे आवाहन
नवी दिल्ली (वृत्तसंस्था) : केंद्रीय सूक्ष्म, लघु आणि मध्यम (एमएसएमई) उद्योग मंत्री नारायण राणे यांनी एमएसएमई क्षेत्राची उत्पादकता वाढवण्यासाठी मंत्रालयाच्या अधिकाऱ्यांना एकत्र येऊन काम करण्यासाठी प्रोत्साहित केले. राणे यांनी ठामपणे बजावले की, त्यांना या क्षेत्राची मोठ्या प्रमाणावर वाढ अपेक्षित असून त्यासाठी मंत्रालयाच्या सर्व विभागांना समन्वयाने काम करावे लागेल. समाजाचे भले करण्यासाठी मंत्रालयाने अधिक खर्च करायला हवा, असेही ते म्हणाले. एमएसएमई क्षेत्राच्या माध्यमातून भारताच्या निर्यातीत मोठ्या प्रमाणावर वाढ होऊ शकते आणि त्यातून अधिक स्थूल राष्ट्रीय उत्पन्न (जीडीपी) गाठणे शक्य होईल, याकडे राणे यांनी उपस्थितांचे लक्ष वेधले.
एनएसआयसी, एनव्हीसीएफएल आणि एसएलव्ही यांच्या अधिकाऱ्यांच्या योगदान करारावर नवी दिल्ली येथे सोमवारी स्वाक्षऱ्या करण्यात आल्या. त्या कार्यक्रमाला केंद्रीयमंत्री राणे यांच्यासह केंद्रीय एमएसएमई राज्यमंत्री भानूप्रताप सिंग वर्मा, एमएसएमई मंत्रालयाचे सचिव बी बी स्वेन, एनएसआयसीच्या मुख्य व्यवस्थापकीय संचालक आणि एनव्हीसीएफएलच्या अध्यक्ष अलका अरोरा आणि एसव्हीएलचे व्यवस्थापकीय संचालक आणि अध्यक्ष के. सुरेश आदी मान्यवर उपस्थित होते.
पंतप्रधान नरेंद्र मोदी यांच्या संकल्पनेनुसार सूक्ष्म, लघु आणि मध्यम उद्योगांना विकास निधी मिळवण्यात येत असलेल्या विविध कमतरता भरून काढण्यासाठी केंद्रीय अर्थमंत्र्यांनी आत्मनिर्भर पॅकेज अंतर्गत या उद्योगांना दिल्या जाणाऱ्या निधींसाठी एका रकमेची घोषणा केली. परिणामी, भारत सरकारच्या एमएसएमई मंत्रालयाअंतर्गत येणाऱ्या राष्ट्रीय लघु उद्योग महामंडळ (एनएसआयसी) या मिनी-रत्न महामंडळाची १०० टक्के उपकंपनी असणाऱ्या एनव्हीसीएफएल या कंपनीची स्थापना करण्यात आली. एआयएफ नियमांच्या अंतर्गत परवानगी असलेल्या इक्विटी, क्वासी-इक्विटी आणि डेट यांच्या माध्यमातून ईमएसएमई उद्योगांना विकास भांडवल उपलब्ध करून देण्यासाठी निधी उभारण्यास मदत करण्याच्या उद्देशाने आणि १०,००६ कोटी रुपयांचा लक्ष्यित निधीसह एनव्हीसीएफएलने एसआरआय निधी अर्थात आत्मनिर्भर निधीची स्थापना करण्यात आली. यासाठी एसबीआयसीएपी व्हेंचर्स मर्या (एसव्हीएल) या कंपनीची गुंतवणूक व्यवस्थापन कंपनी म्हणून नेमणूक करण्यात आली असून एनव्हीसीएफएलची कायदेविषयक सल्लगार म्हणून खेतान आणि कंपनी यांची नेमणूक करण्यात आली आहे. एनव्हीसीएफएलने ठेवी आणि विनिमय मंडळाकडे (सेबी) खासगी प्लेसमेंट मेमोरँडम सादर केले असून त्यायोगे १ सप्टेंबर २०२१ रोजी सेबीने एसआरआय निधीची दुसऱ्या श्रेणीच्या पर्यायी गुंतवणूक निधी म्हणून नोंदणी केली.
एसआरआय निधी एमएसएमई क्षेत्रापुढील इक्विटी निधीच्या आव्हानाचा सामना करण्यास मदत करेल आणि या उद्योगांना त्यांच्या पुढील अडचणी पार करण्यासाठी आवश्यक क्षमता देईल, कॉर्पोरेटायझेशनला प्रोत्साहन देईल आणि त्यांच्या संपूर्ण पायाभूत क्षमतांसह जागतिक दर्जाचे विजेते म्हणून विकास पावण्यासाठी बळ देईल. सरकारी हस्तक्षेपासह हा निधी कमी प्रमाणात निधी मिळालेल्या सूक्ष्म, लघु आणि मध्यम उद्योगांकडे विविध प्रकारच्या निधींचे सुरळीत मार्गीकरण करेल आणि टिकाऊ व उच्च विकास क्षमता असणाऱ्या एमएसएमई उद्योगांच्या वाढीच्या समस्यांमध्ये मदत करेल.