मनी लाँड्रिंगप्रकरणी जवळपास १० ठिकाणी टाकली छाप
नवी दिल्ली : दिल्लीचे मुख्यमंत्री अरविंद केजरीवाल (Arvind Kejriwal) गेल्या अनेक दिवसांपासून अडचणीत सापडले आहेत. ईडी (ED) हात धुवून त्यांच्यामागे लागली आहे. त्यातच आता केजरीवालांच्या अडचणी वाढण्याची शक्यता आहे. याचं कारण म्हणजे दिल्लीत जवळपास १० ठिकाणी ईडीने छापेमारी (Raids) केली आहे. ही ठिकाणे केजरीवालांच्या निकटवर्तीयांची आहेत. मनी लाँड्रिंग (Money Laundering) प्रकरणात ईडीकडून आप नेत्यांच्या घरावर छापेमारी करण्यात आली आहे.
आपचे राज्यसभा खासदार एन. डी. गुप्ता (N. D. Gupta) यांच्या घरावर तसेच अरविंद केजरीवालांचे खासगी सचिव विभव कुमार (Vibhav Kumar) यांच्या घरावर देखील ईडीकडून छापा टाकण्यात आला आहे. याशिवाय दिल्ली जल बोर्डाचे माजी मेंबर शलभ यांच्या निवासस्थानी देखील छापे टाकले जात आहेत.
मनी लाँड्रिंगप्रकरणी अंमलबजावणी संचालनालय (ED) सातत्याने कारवाई करत आहे. आज या प्रकरणी ईडीने आम आदमी पार्टीचे राष्ट्रीय संयोजक अरविंद केजरीवालांचे खाजगी सचिव आणि आम आदमी पार्टीशी संबंधित बड्या नेत्यांच्या घरांवर छापेमारी केली आहे. ईडी सुमारे १० ठिकाणी छापेमारी करत शोध घेत आहे.