Sunita Willaims : खुशखबर! अंतराळात अडकलेल्या सुनीता विल्यम्स परतणार पृथ्वीवर; नवा व्हिडीओ पहाच...

गेल्या तीन महिन्यांपेक्षा अधिक काळापासून अंतराळवीर सुनीता विल्यम्स आणि बुच विल्मोर हे दोघे आंतरराष्ट्रीय अंतराळ स्टेशन (ISS) मध्ये अडकले असून, दोघेजण पृथ्वीवर परत कधी येणार याकडे सर्वांचंच लक्ष लागले आहे. फक्त ८ दिवसाच्या मिशनवर गेलेल्या त्या दोघांना आता सुमारे वर्षभर अंतराळातचं रहावे लागणार आहे. मात्र आता यासदंर्भातली एक नवीन अपडेट समोर आली आहे. सुनीता विल्यम्स आणि बुच विल्मोर यांचा पृथ्वीवर परत येण्याचा मार्ग मोकळा झाला आहे. खरंतर बऱ्याच महिन्यांच्या कालावधीनंतर, खूप वाट पाहिल्यानंतर रोस्कोस्मोसचे अंतराळवीर अलेक्झांडर गोर्बुनोव्ह आणि अंतराळवीर निक हेग हे स्पेसएक्से ड्रॅगन कॅप्सूलच्या द्वारे आंतरराष्ट्रीय अंतराळ स्टेशन (ISS) मध्ये पोहोचले आहेत. विल्यम्स, बुच यांनी स्पेसएक्सच्या क्रू चे स्वागत केले.


सुनीता विल्यम्स आणि बुच विल्मोर यांच्यासह क्रूचा नासाने एक व्हिडिओ देखील जारी केला आहे, दोघांनीही ज्यामध्ये मायक्रोफोनद्वारे संबोधत करत हेग आणि गोर्बुनोव्ह यांचे स्वागत केलेलं आहे. अंतराळवीर सुनीता आणि बुच हे दोघेही जून २०२४ पासून अंतराळ स्थानकात अडकले आहेत. शनिवारी SpaceX ने बचाव मोहीम सुरू केली. पुढच्या वर्षी दोन प्रवासी या मोहिमेद्वारे आपल्या मायभूमीवर (पृथ्वीवर) परतणार आहेत.


https://x.com/NASA_Johnson/status/1840540675919544704

नासाने काय म्हटले ?


नासाच्या जॉनसन स्पेस सेंटरद्वारे एक्स ( म्हणजे पूर्वीचं ट्वविटर) या सोशल नेटवर्किंग साईटवर एक पोस्ट शेअर करण्यात आली आहे. ‘ऑफिशिअल वेलकम ! एक्सीपीडिशन ७२ च्या क्रू ने क्रू ९ चे स्वागत केलं. नासाचे अंतराळवीर निक हेग, क्रू ९ कमांडर आणि अंतराळवीर अलेक्झांडर गोर्बुनोव्ह, क्रू ९ मिशन स्पेशलिस्ट, स्पेसएक्स ड्रॅगन स्पेसक्राफ्टवर उड्डाण केल्यानंतर स्वागत करण्यात आले.’


बुच विल्मोर आणि सुनीता विल्यम्स जूनपासून अंतराळात आहेत. ५ जून रोजी हे दोघे बोईंगच्या स्टारलाइनर स्पेसक्राफ्टने अंतराळात गेले होते. सुनीता आणि बुच यांचं हे स्पेसमधलं मिशन ८ दिवसांचं होतं पण आता ते आठ महिन्यांचं झालंय. आत्तापर्यंत अंतराळात त्यांनी ३ महिने घालवले असून दोघांनाही आणखी ५ महिने तरी तिथेच राहावं लागणार आहे. स्टारलायनर या स्पेसक्राफ्टमधून दोघे अंतराळात गेले होते, मात्र ते आता या दोघांशिवाय पृथ्वीवर लँड झालं आहे.



सुनीता आणि बुच पुढल्या वर्षी पृथ्वीवर परतणार


सुनीता आणि बुच हे दोघे अजूनही अंतराळातच असून पुढच्या वर्षी ते पृथ्वीवर परत येऊ शकतील. सुनीता विल्यम्स आणि बुच विल्मोर यांनी मोहिमेचा एक भाग म्हणून औपचारिकपणे त्यांचे काम सुरू ठेवलं आहे. आणि पुढच्या वर्षी फेब्रुवारीमध्ये ते दोघेही पृथ्वीवर लँड करतील.


Comments
Add Comment

Hyderabad News : हैदराबादमध्ये 2 बॉम्बस्फोटांची धमकी; 300 जणांना ठार मारण्याचा इशारा, पोलीस सतर्क

Hyderabad News: लष्कर-ए-तोयबा (LeT) या दहशतवादी संघटनेच्या नावाने कथितरित्या देण्यात आलेल्या धमकीनंतर हैदराबाद पोलिसांना

Delhi News : 55 लाखांचे सोन्याचे दागिने असलेली बॅग हरवली; दिल्ली पोलिसांनी सहा दिवसांत शोधून मालकाला केली परत

दिल्ली : दिल्लीतील काश्मिरी गेट आंतरराज्य बस स्थानकावर (ISBT) हरवलेली सुमारे 55 लाख रुपये किमतीच्या सोन्याच्या

Cousin Marriage: मामाच्या मुलीशी विवाह करण्याची प्रथा बंद होणार? सुप्रीम कोर्टात याचिकेमुळे चर्चा सुरू

Cousin Marriage: रक्ताच्या नात्यातील जवळच्या नातेसंबंधांमधील विवाहामुळे जन्माला येणारी नवी पिढी यांबाबत आरोग्यविषयक

Rajasthan Viral News : 'बडा अजब आदमी है!' बायकोशी भांडण झालं अन् 500 रुपयांच्या नोटांचा ढीग पेटवला; व्हिडिओ व्हायरल

Viral News: राजस्थानमधील एका कथित घटनेचा व्हिडिओ सोशल मीडियावर व्हायरल झाला असून, त्यावरून जोरदार चर्चा सुरू झाली आहे.

Viral News: बापरे! मेहुण्याकडून दोन नवरदेवांना घातला दोन कोटी रुपयांचा हार, व्हिडिओ व्हायरल

Viral News: लग्नसमारंभात नवरदेवांना फुलांचे किंवा नोटांचे हार घातल्याचे अनेकवेळा तुम्ही पाहिले असेल. मात्र, उत्तर

Agniveer : अग्निवीरांसाठी दिलासादायक निर्णय; दोन वर्षांच्या सेवा मुदतवाढीदरम्यान विवाहाला परवानगी

Defence News: अग्निपथ योजनेअंतर्गत सैन्यात भरती झालेल्या अग्निवीरांना दोन वर्षांच्या सेवा मुदतवाढीदरम्यान विवाह