अन्यायाविरोधात उसरचे गेल प्रकल्पग्रस्तांचे आज काम बंद आंदोलन!

कामगार आंदोलन समितीचा कंपनी व्यवस्थापनाला इशारा


अलिबाग : उसर येथील गेल कंपनी व्यवस्थापनाकडून प्रकल्पग्रस्त व स्थानिकांवरील अन्यायाविरोधात कामगार संघटना आक्रमक झाली आहे. व्यवस्थापनाने मागण्यांच्या पूर्ततेकडे लक्ष न दिल्याने सोमवारी १४ ऑक्टोबरच्या सकाळी साडेसात वाजल्यापासून काम बंद करण्याचा इशारा दिला आहे. तसे निवेदन प्रकल्पग्रस्त कामगार आंदोलन समितीचे अध्यक्ष निलेश गायकर यांनी व्यवस्थापनाला दिला आहे.


गेल इंडिया लिमिटेड, उसर यांनी गॅस संयत्रासाठी २४७ लोकांची ४७५ एकर जमीन अधिग्रहण केली आहे. कायमस्वरूपी नोकरी गेल कंपनी देणार म्हणून अत्यल्प दरात शेतकऱ्यांनी आपापल्या जमिनी कंपनीला दिल्या; परंतू आजतागायत गेल व्यवस्थापनाने फक्त २१ प्रकल्पग्रस्तांची कायम नियुक्ती केली आहे. उर्वरित प्रकल्पग्रस्तांची फसवणूक केली आहे. गेल कंपनीचे नवीन पॉलिमर प्रोजेक्टचे काम सुरू झाले आहे. सदर कंपनीच्या निर्माण कार्यासाठी ३५०० हंगामी कामगार कार्यरत आहेत. त्यामध्ये अत्यल्प प्रमाणात स्थानिक कामगार आहेत. गेल इंडिया स्थानिक लोकांना रोजगारापासून वंचित ठेवत आहे. अनेक स्थानिक लोकांना समोर प्रकल्प असतानाही कौटूंबिक खर्च भागविता येईल एव्हढाही रोजगार नसून, त्यांची आर्थिक स्थिती अत्यंत बिकट आहे.


लोकप्रतिनिधी म्हणून याबाबत प्रयत्न केल्यास खोट्या पोलिस केसेसमध्ये गुंतविले जाते. मराठी लोकांना प्रशासकीय यंत्रणा त्यांच्या हक्कापासून वंचित ठेवण्यासाठी मार्गाचा अवलंब केला जात आहे. त्यामुळेच प्रकल्पग्रस्त व स्थानिकांवर होणाऱ्या अन्यायाविरोधात उसर गेल इंडिया लिमिटेड कंपनीसमोरील मुख्य गेटसमोर सोमवारी १४ ऑक्टोबरपासून सकाळी साडेसात वाजल्यापासून कामबंद आंदोलन छेडणार असल्याचे संयुक्त प्रकल्पग्रस्त आंदोलन समितीचे अध्यक्ष निलेश गायकर यांनी सांगितले.



एसआर फंड खर्चाची माहिती द्या


गेल कंपनी निर्माणकार्यात ५० टक्के स्थानिक लोकांना रोजगार द्या किंवा तसेच सध्या असलेल्या कामगारांना न्युनतम वेतन देऊन त्यांना ओव्हर टाईमसाठीही ठेवण्यात यावे. स्थानिकांची मशिनरी वाहने भाडेतत्वावर घेण्यात प्राथमिकता द्यावी. ग्रुप ग्रामपंचायत खानावला १.५ मॅगावॉट सोलर प्लांट द्यावा, तसेच २१ कोटी सीएसआर फंड आतापर्यंत कुठे व किती खर्च केला यांची माहिती देणे, अशा मागण्याही करण्यात आलेल्या आहेत.

Comments
Add Comment

Domestic Violence case: 20 लाख रुपये आणण्यासाठी विवाहितेचा छळ; तीन दिवस अर्ध्या चपातीवर ठेवल्याचा आरोप

लग्नानंतर नव्या संसाराची स्वप्ने पाहणाऱ्या एका नवविवाहितेला हुंड्याच्या मागणीसाठी सासरच्या मंडळींकडून

Sanjay Rathod : दुष्काळाचा सामना करण्यासाठी सरकारचे नियोजन; जलसंधारणाच्या कामांना मिळणार वेग- मंत्री संजय राठोड

मुंबई : राज्यात एल निनोच्या संभाव्य प्रभावामुळे पाणीटंचाई आणि दुष्काळी परिस्थिती निर्माण होण्याची शक्यता

Viral News: बापरे! मेहुण्याकडून दोन नवरदेवांना घातला दोन कोटी रुपयांचा हार, व्हिडिओ व्हायरल

Viral News: लग्नसमारंभात नवरदेवांना फुलांचे किंवा नोटांचे हार घातल्याचे अनेकवेळा तुम्ही पाहिले असेल. मात्र, उत्तर

राज्यातील 3,832 अंगणवाड्या होणार स्मार्ट; मुलांना मिळणार आधुनिक शिक्षण आणि सुविधा

राज्यातील अंगणवाड्यांचं चित्र आता बदलणार आहे. अंगणवाडी केंद्रात मिळणाऱ्या सेवांमध्ये आधुनिक शैक्षणिक साहित्य

Chhatrapati Sambhajinagar Crime: लग्नाचे आमिष, आठ लाखांची फसवणूक; 13 महिलांना गंडा घालणारा आरोपी दुबईत जेरबंद!

लग्नाचे स्वप्न दाखवून महिलांचा विश्वास संपादन करायचा आणि त्यानंतर त्यांची आर्थिक फसवणूक करायची, असा धक्कादायक

Pune Cyber Crime: पुण्यात डिजिटल अरेस्टचा धाक! निवृत्त शासकीय अधिकाऱ्याची पाच लाखांची फसवणूक

शहरात सायबर गुन्हेगारीच्या घटनांमध्ये वाढ होत असतानाच फसवणुकीचा आणखी एक प्रकार समोर आला आहे. एटीएस