नवी दिल्ली: उत्तर प्रदेशातील झाशी मेडिकल कॉलेजमध्ये आग लागल्याने १० नवजात बाळांचा मृत्यू झाला. या प्रकरणी पंतप्रधान नरेंद्र मोदी(PM Modi) यांनी घटनेबाबत दु:ख व्यक्त केले आहे. त्यांनी ही घटना हृदयद्रावक असल्याचे म्हटले आहे.
पंतप्रधान मोदी म्हणाले, उत्तर प्रदेशातील झाशीच्या मेडिकल कॉलेजमध्ये आग लागल्याने झालेला अपघात मन व्यवस्थित करणारा आहे. राष्ट्रपती द्रौपदी मुर्मू यांनीही दु:ख व्यक्त केले आहे.
पंतप्रधान मोदींनी एक्सवर लिहिले, हृदयद्रावक! उत्तर प्रदेशातील झाशीमध्ये मेडिकल कॉलेजमध्ये आग लागल्याने घडलेली घटना मन व्यथित करणारी आहे. या अपघातात ज्यांनी आपल्या चिमुकल्यांना गमावले आहे त्यांच्या प्रती माझ्या संवेदना काय आहे. ईश्वर तुम्हाला अपार दु:ख सहन करण्याची ताकद देवो.
३७ मुलांना वाचवण्यात यश
उत्तर प्रदेशच्या झाशी जिल्ह्यात शुक्रवारी रात्री महाराणी लक्ष्मीबाई मेडिकल कॉलेजमध्ये आग लागल्याने १० नवजात बाळांचा मृत्यू झाला. असे सांगितले जात आहे की शुक्रवारी रात्री साडे दहा ते १० वाजून ४५ मिनिटादरम्यान एनआयसीयूमधून धुराचे लोट येऊ लागले. काही समजण्याच्या आतच ही आग पसरली. शॉर्ट सर्किटमुळे आग लागल्याचे सांगितले जात आहे. यानंतर वॉर्डमध्ये गोंधळ झाला. आग लागली तेव्हा वॉर्डमध्ये ४७ मुले अॅडमिट होती. यातील १० जणांचा मृत्यू झाला तर ३७ जणांना वाचवण्यात यश आले.