सैफवर चाकूहल्ला करणारा बांगलादेशी कुस्तीपटू

मुंबई : बॉलिवूड अभिनेता सैफ अली खान याच्यावर चाकूहल्ला करणारा बांगलादेशचा कुस्तीपटू आहे. त्याने बांगलादेशमध्ये हलक्या वजनाच्या श्रेणीत (लाईट वेट) जिल्हा आणि राष्ट्रीय पातळीवर कुस्तीच्या स्पर्धांमध्ये भाग घेतला होता. ही माहिती पोलीस चौकशीतून समजली आहे.



बॉलिवूड अभिनेता सैफ अली खान याच्यावर १६ जानेवारी रोजी मध्यरात्री चाकूहल्ला झाला. या प्रकरणात मुंबई पोलिसांनी मोहम्मद शरीफुल इस्लाम शेहजाद (Mohammad Shariful Islam Shehzad) या ३० वर्षीय तरुणाला अटक केली आहे. न्यायदंडाधिकाऱ्यांनी मोहम्मदला पाच दिवसांची पोलीस कोठडी ठोठावली आहे. या कोठडी दरम्यान केलेल्या चौकशीत मोहम्मदकडून मुंबई पोलिसांना नवी माहिती मिळाली आहे.



आर्थिक अडचणी वाढू लागल्यामुळे मोहम्मद नोकरी करत होता. या नोकरी दरम्यान एका रिक्षावाल्याशी गप्पा मारताना मोहम्मदला सेलिब्रेटींच्या घरी दरोडा टाकण्याची कल्पना सुचली. यानंतर मोहम्मदने मुंबईत फिरुन शाहरुख खान, सैफ अली खान यांच्यासह निवडक सेलिब्रेटींच्या घरांची लांबून पाहणी केली होती. कोणत्या घरात कोणत्या मार्गाने प्रवेश करावा याचे नियोजन करण्यासाठी मोहम्मदने वेगवेगळ्या भागांचे फोटो त्याच्या मोबाईलमध्ये काढले होते. ही माहिती मिळताच पोलिसांनी मोहम्मदच्या मोबाईलची तपासणी सुरू केली आहे. गुन्ह्याचे नियोजन, नेमकी घडलेली घटना आणि त्यानंतर ठाण्यात अटक होईपर्यंतचा घटनाक्रम याबाबतची सविस्तर माहिती जाणून घेण्यासाठी मुंबई पोलिसांनी मोहम्मद शरीफुल इस्लाम शेहजाद याची कसून चौकशी सुरू केली आहे.



मोहम्मद भारतात विजय दास (बिजॉय दास) या नावाने वावरत होता. काही दिवस मुंबईत आणि नंतर मुंबई जवळच्या भागात तो वास्तव्यास होता. तो एका हाऊसकिपिंग कंपनीत बनावट कागदपत्रे दाखवून नोकरी करत होता. या नोकरीत असतानाच त्याला गुन्हा करण्याची कल्पना सुचली. सैफच्या घरात दरोडा टाकण्याचा प्रयत्न अयशस्वी झाल्यानंतर मोहम्मदने घरातून बाहेर पडून वेगवेगळ्या ठिकाणी फिरत अखेर ठाणे गाठले. या दरम्यान मोहम्मदने वारंवार कपडे बदलले होते. पण पोलिसांनी हाती आलेल्या माहितीच्या मदतीने मोहम्मदला ठाण्याच्या कासारवडवली येथील हिरानंदानी इस्टेटच्या मागे असलेल्या झुडुपातून अटक केली. आरोपी हिरानंदानी इस्टेटमधील टीसीएस कॉल सेंटरच्या मागे असलेल्या मेट्रो बांधकाम स्थळाजवळील कामगार छावणीनजीकच्या झुडुपांमध्ये लपला होता. मोहम्मद ठाण्यातील ‘रिकीज’ बारमध्ये हाऊसकीपिंग कामगार म्हणून काम करत असल्याची माहिती पोलिसांना मिळाली आहे. याआधी तो एका पबमध्ये काम करत होता.
Comments
Add Comment

Railway News : मुंबई ते सहरसादरम्यान 2 अतिरिक्त विशेष रेल्वे; 19 नोव्हेंबरला लोकमान्य टिळक टर्मिनसवरून सुटणार

मुंबई: सण-उत्सवांच्या काळात रेल्वे प्रवाशांची वाढती गर्दी लक्षात घेऊन मध्य रेल्वेने मुंबईतील लोकमान्य टिळक

दादर रेल्वे स्थानकाचे नाव लवकरच ‘चैत्यभूमी’ होणार! विधिमंडळ अधिवेशनात आवश्यक पूर्तता करण्याची मुख्यमंत्री देवेंद्र फडणवीस यांची ग्वाही

मुंबई : भारतरत्न डॉ. बाबासाहेब आंबेडकर महापरिनिर्वाण दिनानिमित्त मुंबईतील चैत्यभूमी येथे येणाऱ्या

Mumbai News : ChatGPT वापरून लोकलचा पास बनवला बनावट! महिनाभर AC लोकलमध्ये प्रवास, अखेर टीसींनी पकडले

मुंबई : कृत्रिम बुद्धिमत्ता (AI) तंत्रज्ञानाचा वापर अनेक कामांसाठी केला जात असताना, त्याचा गैरवापर करून रेल्वेची

Western Express Highway Bike Stunt: वेस्टर्न एक्सप्रेस हायवेवर जीवघेणे बाईक स्टंट; व्हायरल व्हिडिओनंतर 5 तरुणांना अटक!

Western Express Highway Bike Stunt: महाराष्ट्रातील मुंबई शहरात वेस्टर्न एक्सप्रेस हायवेवर काही बाईकस्वार धोकादायक स्टंट करतांना आणि

मुंबईत चाहत्याला ऑटोग्राफ देण्यास केट मिडलटन यांचा नकार; नेमकं कारण काय?

प्रिन्स विल्यमसोबत केट मिडलटन मुंबईत दाखल झाल्यानंतर एक व्हिडिओ सोशल मीडियावर व्हायरल होत आहे. एका चाहत्याने

अमिताभ बच्चन यांना धमकी देणाऱ्या गँगस्टरची लॉरेन्स टोळीकडूनच पोलखोल! ‘तो तर भांडी घासणारा भुरटा चोर’, अंडरवर्ल्डमध्ये मोठा भडका!

बॉलिवूडचे महानायक अमिताभ बच्चन यांना सोशल मीडियावर धमकी दिल्यानंतर गँगस्टर गोल्डी ढिल्लन सध्या चर्चेत आला आहे.