मुक्तागिरी बंगल्याबाहेर चेंगराचेंगरी; मंत्री भरत गोगावलेंच्या कार्यकर्त्यांचा गोंधळ

मुंबई : उपमुख्यमंत्री एकनाथ शिंदे यांच्या मुक्तागिरी बंगल्याबाहेर शिवसेना मंत्री भरतशेठ गोगावले यांच्या कार्यकर्त्यांकडून प्रसार माध्यमांच्या प्रतिनिधींना मंगळवारी धक्काबुक्की करण्यात आली. तसेच कार्यकर्त्यांनी हुल्लडबाजी करत रस्ता बंद केला. पोलिसांनाही न जुमानता गोंधळ सुरू असल्याने सर्व प्रसार माध्यमांचे प्रतिनिधी बंगल्याबाहेर निघून गेले. रायगड जिल्हा पालकमंत्री पदावरून गोगावले यांचे कार्यकर्ते आक्रमक झाले होते. रायगड जिल्ह्यातील शिवसेनेचे सर्व आमदार, प्रमुख पदाधिकारी आणि शिवसैनिकांनी बंगल्यावर येत जोरदार शक्तिप्रदर्शन केले.



रायगडच्या पालकमंत्री पदावरून महायुतीतील मंत्र्यांमध्ये रस्सीखेच सुरू आहे. रायगड आणि नाशिक पालकमंत्री पदाला मुख्यमंत्री देवेंद्र फडणवीस यांनी स्थगिती दिली आहे. दरम्यान, भरत गोगावले यांना रायगडचे पालकमंत्री पद मिळावे, यासाठी शेकडोंच्या संख्येने अनेक कार्यकर्ते पदाधिकारी मलबार हिल येथे मुक्तागिरी बंगल्यावर उपमुख्यमंत्री एकनाथ शिंदे यांची भेट घेण्यासाठी आले होते. याच ठिकाणी पालकमंत्री पद मिळणे हा आमचा हक्क आहे. चार टर्म भरतशेट गोगावले निवडून आलेले आहेत. आता पालकमंत्री पद मिळालेच पाहिजे. रायगड जिल्ह्यात तीन आमदार शिवसेनेचे आहेत. त्यामुळे गोगावले यांनाच पालकमंत्रीपद मिळाले पाहिजे, अन्यथा रायगड बंद करू, असा इशारा यावेळी गोगावले यांच्या पदाधिकारी आणि कार्यकर्त्यांकडून देण्यात आला.


आदिती तटकरे यांच्या पालकमंत्रीपदाला विरोध करत रायगड जिल्ह्यातील शिवसेनेच्या सर्व पदाधिकाऱ्यांनी राजीनामे दिले आहेत. भरतशेठ गोगावले यांची जोपर्यंत पालकमंत्री म्हणून घोषणा होत नाही, तोपर्यंत संघटनेचे काम करणार नाही, असा पवित्राच भरतशेठ गोगावले समर्थकांनी घेतला आहे. आम्ही हे सहन करणार नाही. सह-पालकमंत्रिपद आम्हाला चालणार नाही, असे शिवसेना शिंदे गटातील आमदार महेंद्र थोरवे यांनी म्हटलं आहे.

Comments
Add Comment

दादर रेल्वे स्थानकाचे नाव लवकरच ‘चैत्यभूमी’ होणार! विधिमंडळ अधिवेशनात आवश्यक पूर्तता करण्याची मुख्यमंत्री देवेंद्र फडणवीस यांची ग्वाही

मुंबई : भारतरत्न डॉ. बाबासाहेब आंबेडकर महापरिनिर्वाण दिनानिमित्त मुंबईतील चैत्यभूमी येथे येणाऱ्या

Mumbai News : ChatGPT वापरून लोकलचा पास बनवला बनावट! महिनाभर AC लोकलमध्ये प्रवास, अखेर टीसींनी पकडले

मुंबई : कृत्रिम बुद्धिमत्ता (AI) तंत्रज्ञानाचा वापर अनेक कामांसाठी केला जात असताना, त्याचा गैरवापर करून रेल्वेची

Western Express Highway Bike Stunt: वेस्टर्न एक्सप्रेस हायवेवर जीवघेणे बाईक स्टंट; व्हायरल व्हिडिओनंतर 5 तरुणांना अटक!

Western Express Highway Bike Stunt: महाराष्ट्रातील मुंबई शहरात वेस्टर्न एक्सप्रेस हायवेवर काही बाईकस्वार धोकादायक स्टंट करतांना आणि

मुंबईत चाहत्याला ऑटोग्राफ देण्यास केट मिडलटन यांचा नकार; नेमकं कारण काय?

प्रिन्स विल्यमसोबत केट मिडलटन मुंबईत दाखल झाल्यानंतर एक व्हिडिओ सोशल मीडियावर व्हायरल होत आहे. एका चाहत्याने

अमिताभ बच्चन यांना धमकी देणाऱ्या गँगस्टरची लॉरेन्स टोळीकडूनच पोलखोल! ‘तो तर भांडी घासणारा भुरटा चोर’, अंडरवर्ल्डमध्ये मोठा भडका!

बॉलिवूडचे महानायक अमिताभ बच्चन यांना सोशल मीडियावर धमकी दिल्यानंतर गँगस्टर गोल्डी ढिल्लन सध्या चर्चेत आला आहे.

लिफ्ट वापराबाबत राज्य सरकारचे नवे नियम लागू, 1 नोव्हेंबर 2026 पासून नव्या नियमावलीची अंमलबजावणी सुरू

मुंबई: राज्य सरकारने मुंबईसह संपूर्ण महाराष्ट्रामध्ये लिफ्टच्या वापरासंदर्भात नवीन नियम लागू केले आहेत. 'लिफ्ट,