महिलेने मांजरींची देखभाल करण्यासाठी घरात पाच - सहा नोकरांची नेमणूक केली आहे. पण एकाच फ्लॅटमध्ये ३५० मांजरी असल्यामुळे प्लॅटमध्ये मोठ्या प्रमाणात अस्वच्छता होत होती. सततच्या दुर्गंधीमुळे सोसायटीतले इतर रहिवासी पण त्रस्त झाले होते. रहिवाशांनी वारंवार विनंती करुनही महिला मांजरींची पर्यायी व्यवस्था करणे टाळ होती. अखेर रहिवाशांनी पुणे महानगरपालिकेच्या पशू संवर्धन विभागाला माहिती दिली. यानंतर पशू संवर्धन विभागाने फ्लॅटच्या मालकिणीला नोटीस बजावली.
नोटीस बजावण्याआधी पोलिसांच्या मदतीने फ्लॅटची पाहणी करण्यात आली. या पाहणीवेळी फ्लॅटमध्ये ३५० मांजरी असल्याचे लक्षात आले. मांजरींमुळे निर्माण होणाऱ्या अस्वच्छतेचा सोसायटीतील इतर सदस्यांना त्रास होत असल्याचे बघून पुणे महानगरपालिकेच्या पशू संवर्धन विभागाने फ्लॅटच्या मालकिणीला नोटीस बजावली.