बुधवारी तुकोबा, गुरुवारी माऊलीच्या पालखीचं प्रस्थान
पावसाळा सुरू झाला की महाराष्ट्रातील वारकऱ्यांना ओढ लागते पंढरपूरच्या वारीची. हाच आषाढी वारीचा प्रस्थान सोहळा अवघ्या चार दिवसांवर येऊन ठेपलाय. बुधवारी म्हणजे १८ जून २०२५ रोजी जगतगुरूश्री संत तुकाराम महाराजांचा, तर गुरुवारी, १९ जून २०२५ रोजी संत ज्ञानेश्वर महाराजांच्या पालख्यांचे प्रस्थान होणार आहे. या सोहळ्याची जय्यत तयारी देहू आणि आळंदी इथं सुरू आहे.
आषाढी वारीच्या पालखी सोहळ्यात सहभागी होण्यासाठी राज्याच्या कानाकोपऱ्यातून वारकरी येत असतात. या दिंडीतील वारकऱ्यां पिण्याचे स्वच्छ पाणी, आरोग्य सेवा, थांबण्यासाठी तंबूची व्यवस्था प्रशासनानं केली आहे. तसेच भाविकांच्या सुरक्षिततेसाठी ३२ सीसीटीव्ही कॅमेरे बसविण्यात आले आहेत. यंदा देहूचे पालखी सोहळा प्रमुख गणेश महाराज मोरे म्हणाले, 'पालखी सोहळ्यातील चांदीचा रथ, अब्दागिरी यांना पॉलिश करण्यात आले आहे. पालखी सोहळ्यात रथापुढे २७ आणि रथामागे ३९० दिंड्या चालणार आहेत.
संत तुकाराम महाराज पालखी सोहळ्याचं वेळापत्रक
- १८ जून रोजी देहूतील प्रस्थान होॅइल. इनामदार वाड्यात मुक्काम
- १९ जून रोजी देहू निगडी आकुर्डी प्रवास व आकुर्डी मुक्काम
- २० जून रोजी आकुर्डी ते पुणे नाना पेठ मुक्काम
- २१ जून रोजी पुण्यातील निवडुंगा विठ्ठल मंदिरात मुक्काम
- २२ जून रोजी पुण्यातील हडपसर येथून प्रस्थान. लोणी काळभोर प्रवास आणि मुक्काम
- दि. २२ रोजी लोणी काळभोर, दि. २३ यवत तसेच पुढे वरवंड, उडंवडी गवळ्याची, बारामती, सणसर, निमगाव केतकी,
- इंदापूर, सराटी, अकलुज, बोरगाव, पिराची कुरोली, वाखरी असं करत शनिवार, दि. ५ जुलै रोजी पालखी पंढरपूमध्ये
- दाखल होईल. ६ तारखेला आषाढी एकदशीला चंद्रभागा स्नान आणि पांडुरंग दर्शन होईल.
संत ज्ञानेश्वर महाराज आषाढी वारी सोहळ्याचं वेळापत्रक
- १९ जून रोजी आळंदी येथून माऊली पालखी प्रस्थान आळंदी
- २० जून रोजी आळंदी ते पुणे प्रवास.
- दि. २१ रोजी पुण्यात मुक्काम अलोक संविदारी सासवडला मुक्काम, सोमवारीही पालखी सासवडमध्येच असेल,
- मंगळवार, दि. २४ रोजी जेजुरीमध्ये असेल.
- पुढे वाल्हे, लोणंद, तरडगाव, फलटण, बरड, नातेपुते, माळशिरस वेळापूर, भंडीशेगाव, वाखरी असं करत ५ जुलै २०२५ रोजी पालखी पंढरपूरमध्ये पोहचेल.
- ६ तारखेला आषाढी एकादशीच्या दिवशी पंढरपुरात नगरप्रदक्षिणा आणि श्रीचे चंद्रभागा स्नान होईल.
- पुढे १० जुलैपर्यंत पालखी पंढरपुरातच असेल.