जम्मू :अमरनाथ यात्रेच्या पहिल्या ४ दिवसांत ५० हजारांहून अधिक भाविकांनी पवित्र गुहेतील बर्फाच्या शिवलिंगाचे दर्शन घेतले.
ही यात्रा ३ जुलै रोजी सुरू झाली. चौथ्या दिवशी म्हणजेच २१,५१२ यात्रेकरू दर्शनासाठी आले होते. दरम्यान, रविवारी ७५०२ यात्रेकरूंची पाचवी तुकडी जम्मूहून पहलगाममधील नुनवान आणि काश्मीरमधील गंदरबलमधील बालताल बेस कॅम्पसाठी रवाना झाली. या तुकडीत ५,९७३ पुरुष, १,१६९ महिला, ३४ मुले, ३१० साधू आणि १६ साध्वींचा समावेश आहे.
तब्बल ३८ दिवसांची ही यात्रा पहलगाम आणि बालटाल दोन्ही मार्गांवरून सुरू आहे. ९ ऑगस्ट रोजी रक्षाबंधनाच्या दिवशी ही यात्रा संपेल. गेल्या वर्षी ही यात्रा ५२ दिवस चालली आणि ५ लाख भाविकांनी पवित्र गुहेचे दर्शन घेतले.आतापर्यंत ३.५ लाखांहून अधिक यात्रेकरूंनी नोंदणी केली आहे.
नोंदणीसाठी जम्मूमधील सरस्वती धाम, वैष्णवी धाम, पंचायत भवन आणि महाजन सभेत केंद्रे उघडण्यात आली आहेत. येथे दररोज २००० भाविकांची नोंदणी सुरू आहे.
