नवी दिल्ली (प्रतिनिधी):
सणासुदीच्या हंगामापूर्वी केंद्र सरकार आपल्या कर्मचाऱ्यांना आणि पेन्शनधारकांना भेट देणार आहे. केंद्र सरकार महागाई भत्ता (डीए) आणि महागाई सवलत (डीआर) मध्ये ३% वाढ जाहीर करणार आहे, अशी माहिती सूत्रांनी दिली. देशभरातील १.२ कोटींहून अधिक केंद्रीय कर्मचारी आणि पेन्शनधारकांना या निर्णयाचा फायदा होईल. त्याची औपचारिक घोषणा ऑक्टोबरच्या पहिल्या आठवड्यात केली जाऊ शकते. यावेळी सरकार दिवाळीच्या वेळी ही घोषणा करेल. जेणेकरून कर्मचारी आणि पेन्शनधारकांना सणासुदीच्या काळात अतिरिक्त दिलासा मिळू शकेल. दुरुस्तीनंतर कर्मचाऱ्यांचा महागाई भत्ता ५५% वरून ५८% पर्यंत वाढेल. ही वाढ जुलै २०२५ पासून लागू मानली जाईल, म्हणजेच कर्मचारी आणि पेन्शनधारकांना जुलै ते सप्टेंबर या तीन महिन्यांची थकबाकी देखील मिळेल, जी ऑक्टोबरच्या पगारासह दिली जाणार आहे. केंद्र सरकार दरवर्षी दोनदा महागाई भत्ता वाढवते. पहिली सुधारणा होळीपूर्वी दुसरी सुधारणा दिवाळीपूर्वी. गेल्या वर्षी ऑक्टोबर २०२४ मध्ये सरकारने दिवाळीच्या सुमारे २ आठवडे आधी महागाई भत्ता वाढवण्याची घोषणा केली होती.