मोहित सोमण:नेटवेब टेक्नॉलॉजी या कंपनीच्या शेअर्समध्ये आज इंट्राडे ७% पातळीपर्यंत घसरण झाली आहे. काल कंपनीने बंगलोरस्थित बड इकोसिस्टीमशी (Bud Ecosystem) भागीदारी घोषित केल्यानंतर आज नफा बुकिंगसाठी मोठ्या प्रमाणात सेल ऑ फ झाल्याने शेअर सत्राच्या सुरुवातीलाच कोसळला होता. आर्टिफिशियल इंटेलिजन्स सोलूशन बनवण्यासाठी नेटवेब टेक्नॉलॉजीकडून एंटरप्राईज ग्रेड कामगिरी करणाऱ्या सिस्टिमसोबत Bud AI सॉफ्टवेअरशी धोरणात्मक भागीदारी केली. परिणामी आज मात्र शेअर्समध्ये घसरण झाली आहे. आगामी नफा बुकिंगसाठी कंपन्यांनी शेअरवर अधिक विक्री पसंत केली. उपलब्ध माहितीनुसार, हे एआय आधारित उत्पादन शैक्षणिक, रिटेल, हेल्थकेअर, शेतकी व इतर व्यवसाय सोलूशन पर्याय बाजारात देण्यासाठी बनवण्यात येणार आहे.
कंपनीचा शेअर दुपारी १२.०६ वाजेपर्यंत ६.४४% कोसळत एनएसईवर ४०७९.३० रूपये प्रति शेअरवर व्यवहार करत होता. गेल्या एक महिन्यापासून शेअरची किंमत ४१% उसळली होती. ज्यामध्ये गुंतवणूकदारांना व्यापक निर्देशांकात मोठा फायदा झाला होता. आर्थिक वर्ष २०२३ मध्ये कंपनीचा शेअर बाजारात सूचीबद्ध झाला होता. त्यावेळी ५०० रुपयांच्या प्राईज बँडसह बाजारात उतरला.मात्र कंपनीच्या शेअर ४४७९ या ५२ आठवड्यातील सर्वाधिक उच्चांकी पातळीवर या वर्षात पोहोचला असल्याने गुंतवणूकदारांना चां गला परतावा (Returns) या शेअरने दिले आहेत.
बड इकोसिस्टम ही बेंगळुरूस्थित एआय संशोधन आणि उत्पादन कंपनी आहे जी मल्टी-मॉडल जनरेटिव्ह एआयमध्ये विशेषज्ञ आहे. कंपनीने २० हून अधिक मॉडेल्स ओपन-सोर्स केले आहेत, ज्यात मोठ्या भाषा मॉडेल्स, प्रसार मॉडेल्स, लहान भाषा मॉडेल्स आ णि कोडजेन मॉडेल्सचा समावेश आहे.भागीदार मर्यादित कनेक्टिव्हिटी किंवा तांत्रिक संसाधनांसह वातावरणात एआय क्षमता प्रदान करण्यासाठी ऑप्टिमाइझ केलेले हार्डवेअर आणि सॉफ्टवेअर एकत्रित करून एआय-इन-अ-बॉक्स प्री-कॉन्फिगर केलेले सिस्टम विकसित करतील.
'बड इकोसिस्टमसोबतचे आमचे सहकार्य भारताच्या डिजिटल वाढीसाठी विश्वासार्ह, स्केलेबल आणि समावेशक संगणकीय पायाभूत सुविधा निर्माण करण्याच्या आमच्या दृष्टिकोनाला बळकटी देते,' असे नेटवेबचे तंत्रज्ञानाचे उपाध्यक्ष स्वस्तिक चक्रवर्ती म्हणाले.