मुंबई : भारतातील समृद्ध उत्सव संस्कृतीला जागतिक स्तरावर पोहोचवण्यासाठी १७ जुलै २०२४ रोजी 'TGP (The Ganeshutsav Podcast)' या विशेष पॉडकास्टचा शुभारंभ करण्यात आला होता. हे पॉडकास्ट संपूर्णपणे हिंदू उत्सवांना समर्पित असलेले जगातील पहिले व्यासपीठ ठरले आहे.
चिराग चंद्रकांत खिलारे यांनी या पॉडकास्टची स्थापना केली आहे. सुरुवातीला 'TGP' ने गणेशोत्सवाच्या (Ganeshutsav) पडद्यामागील प्रेरणादायी कथा, विशेषतः मूर्तिकारांचे परिश्रम आणि संघर्ष यांवर प्रकाश टाकण्यास सुरुवात केली. अल्पावधीतच या पॉडकास्टची व्याप्ती वाढली आहे. आता 'TGP' मध्ये केवळ गणेशोत्सव नव्हे, तर विविध मंडळे, महत्त्वाचे समाजधुरीण (Community Leaders) आणि क्रिएटर्स यांचा सहभाग असतो. या सर्वांना राष्ट्रीय आणि जागतिक स्तरावर एक व्यासपीठ आणि योग्य ओळख मिळवून देण्याचा उद्देश 'TGP' चा आहे.
'उत्सव हिरोज'ची विशेष खास संकल्पना
या पॉडकास्टने "उत्सव हिरोज" (Utsav Heroes) नावाचा एक विशेष विभाग सुरू केला आहे. या सेगमेंटमधून हिंदू उत्सवाशी संबंधित उद्योजक, व्यवसाय आणि उत्पादने यांना प्रोत्साहन दिले जाते, ज्यामुळे सांस्कृतिक उद्योजकता आणि नवकल्पनांना चालना मिळते. गणेशोत्सवापासून सुरू झालेला हा प्रवास आता नवरात्री, दहीहंडी, होळी, दिवाळी, गुढीपाडवा आणि इतर अनेक हिंदू उत्सवांपर्यंत विस्तारण्याचा 'TGP' चा मानस आहे. प्रामाणिकता, कथाकथन आणि समर्पण या मूल्यांवर आधारित 'TGP' हे हिंदू सनातन धर्म आणि त्याची तेजस्वी उत्सव संस्कृती जगभर पोहोचवण्याच्या व्यापक ध्येयावर ठाम आहे.