मुंबई : मुंबई रेल्वे प्रवाशांसाठी महत्त्वाची सूचना आहे. रेल्वेच्या मध्य (Central), हार्बर (Harbour) आणि पश्चिम (Western) या तिन्ही मार्गांवर रविवारी, २ नोव्हेंबर रोजी मेगा ब्लॉक (Mega Block) घेण्यात येणार आहे. हा मेगा ब्लॉक विविध तांत्रिकी, अभियांत्रिकी आणि देखभाल दुरुस्तीच्या (Technical, Engineering, and Maintenance) कामांसाठी आवश्यक आहे. पायाभूत सुविधांची देखभाल आणि प्रवाशांची सुरक्षितता सुनिश्चित करण्यासाठी हे ब्लॉक गरजेचे आहेत. या बदलांमुळे रेल्वेच्या वेळापत्रकावर परिणाम होणार असून, काही रेल्वे गाड्या रद्द तर काही उशिराने धावण्याची शक्यता आहे. रेल्वे प्रशासनाने प्रवाशांना होणाऱ्या गैरसोयीबद्दल दिलगिरी व्यक्त केली आहे आणि प्रवाशांना सहकार्य करण्याचे आवाहन केले आहे.
मध्य रेल्वेवरील मेगा ब्लॉक (Central Railway)
ठिकाण : छत्रपती शिवाजी महाराज टर्मिनस ते विद्याविहारदरम्यान अप आणि डाउन धीम्या मार्गांवर
वेळ : सकाळी १०.५५ ते दुपारी ०३.५५ पर्यंत
परिणाम (डाउन धीमा मार्ग) : छत्रपती शिवाजी महाराज टर्मिनसवरून सुटणाऱ्या धीम्या मार्गावरील गाड्या विद्याविहारपर्यंत जलद मार्गावर वळवल्या जातील. * या गाड्या भायखळा, परळ, दादर, माटुंगा, शीव आणि कुर्ला या स्थानकांवर थांबतील.
(अप धीमा मार्ग) : घाटकोपरवरून सुटणाऱ्या धीम्या मार्गावरील गाड्या छत्रपती शिवाजी महाराज टर्मिनसपर्यंत जलद मार्गावर वळवल्या जातील. * या गाड्या कुर्ला, शीव, माटुंगा, दादर, परळ आणि भायखळा या स्थानकांवर थांबतील.
हार्बर रेल्वेवरील मेगा ब्लॉक (Harbour Railway)
ठिकाण : कुर्ला आणि वाशी स्थानकांदरम्यान अप व डाउन हार्बर मार्गावर
सकाळी ११.१० ते सायंकाळी ०४.१० पर्यंत
परिणाम (गाड्या रद्द) : छत्रपती शिवाजी महाराज टर्मिनस येथून सकाळी १०.३४ ते दुपारी ०३.३६ या वेळेत सुटणाऱ्या वाशी/बेलापूर/पनवेल कडे जाणाऱ्या गाड्या रद्द राहतील. * तसेच, सकाळी १०.१७ ते दुपारी ०३.४७ या वेळेत पनवेल/बेलापूर/वाशी येथून छत्रपती शिवाजी महाराज टर्मिनसकडे येणाऱ्या गाड्या रद्द राहतील.
विशेष सेवा : ब्लॉक कालावधीत छत्रपती शिवाजी महाराज टर्मिनस– कुर्ला आणि पनवेल – वाशी या विभागांदरम्यान विशेष उपनगरी गाड्या (Special Local Trains) चालवल्या जातील.
प्रवासाची सूट : ब्लॉक वेळेत (सकाळी १०.०० ते सायंकाळी ०६.०० पर्यंत) हार्बर मार्गावरील प्रवाशांना ठाणे–वाशी/नेरुळ दरम्यान प्रवास करण्याची परवानगी असेल.
पश्चिम रेल्वेवरील मेगा ब्लॉक (Western Railway)
ठिकाण : चर्चगेट आणि मुंबई सेंट्रल स्थानकांदरम्यान अप आणि डाऊन जलद मार्गांवर
सकाळी : १०.३५ ते दुपारी ०३:३५ पर्यंत
परिणाम : ब्लॉक कालावधीत चर्चगेट आणि मुंबई सेंट्रल दरम्यानच्या सर्व जलद मार्गावरील गाड्या धीम्या मार्गावर (Slow Line) चालवल्या जातील. यामुळे, काही उपनगरीय गाड्या रद्द केल्या जातील. काही चर्चगेट गाड्या वांद्रे किंवा दादर स्थानकांपर्यंतच चालविण्यात येतील.