केरळमध्ये उमद्या मनाचे ९० वर्षीय वृद्ध लढवताहेत निवडणूक घरोघरी जाऊन मतांसाठी आवाहन

कोची (वृत्तसंस्था) : कोचीच्या असमानूर गावात पंचायत निवडणुकीसाठी ९० वर्षांचे एक वृद्ध व्यक्ती मोठ्या उत्साहाने आणि जोमाने उमेदवारी सादर करत आहे आणि मतांसाठी आवाहन करत आहे. नारायणन नायर हे स्वतंत्र उमेदवार म्हणून निवडणूक लढवत आहेत. नारायणन नायर नव्वदीतही हातात काळी पिशवी घेऊन, घरोघरी जाऊन थरथरत्या आवाजात लोकांना मतदान करण्याचे आवाहन करताना दिसत आहे. नारायणन नायर हे डिसेंबरमध्ये होणाऱ्या स्थानिक पंचायत निवडणुकीसाठी असमानूर ग्रामपंचायतीच्या दुसऱ्या वॉर्डचे उमेदवार आहेत. या वयात निवडणूक लढवण्याच्या त्यांच्या निर्णयामागील प्रेरणा काय आहे याबद्दल विचारले असता, नायर म्हणाले की वय त्यांच्यासाठी अडथळा नाही. "मला माझ्या वॉर्डसाठी खूप काम करायचे आहे. मी निवडून आलेला सदस्य झालो तरच हे शक्य होईल," असे त्यांनी माध्यमांना सांगितले. नायर यांनी अनेक लोकांकडून मते मागितली आणि त्यांना बहुतेकांकडून सकारात्मक प्रतिसाद मिळाला. केरळमधील स्थानिक स्वराज्य संस्थांच्या निवडणुका ९ आणि ११ डिसेंबर रोजी दोन टप्प्यात होणार आहेत, तर निकाल १३ डिसेंबर रोजी जाहीर होणार आहेत.