नवी दिल्ली : भारताने केलेल्या क्षेपणास्त्र चाचणीपूर्वी दिलेल्या नोटाम इशाऱ्याच्या पार्श्वभूमीवर, चौथे चिनी हेरगिरी जहाज हिंदी महासागरात दाखल झाले आहे.या चिनी जहाजाच्या हालचालींवर भारतीय नौदल व सुरक्षा यंत्रणा बारकाईने लक्ष ठेवून आहेत. भारताच्या संरक्षण क्षमतेची माहिती गोळा करण्याच्या चीनच्या प्रयत्नांचा हा एक भाग मानला जात आहे. चीनची ही जहाजे हिंदी महासागरात गस्त घालत आहेत. संशोधनाच्या नावाखाली ते हेरगिरी करत आहेत. भारताच्या क्षेपणास्त्र चाचणीपूर्वी हे चिनी जहाज येथे दाखल झाले आहे.
जेव्हा भारत क्षेपणास्त्र चाचणी करतो, तेव्हा समुद्रातील जहाजांसाठी आणि विमानांसाठी धोक्याचा इशारा म्हणून नोटाम जारी केला जातो. या काळात, चीन अशी जहाजे पाठवून भारताच्या क्षेपणास्त्र प्रक्षेपणाचे टेलीमेट्री डेटा व इतर महत्त्वाच्या संरक्षण प्रणालीची गुप्तचर माहिती गोळा करण्याचा प्रयत्न करतो. या क्षेत्रात भारताच्या सुरक्षेला आव्हान देण्यासाठी चीन जाणीवपूर्वक असे पाऊल उचलत आहे.