श्रीलंका: दक्षिण आफ्रिकेविरुद्धच्या सामन्यात पंचांच्या निर्णयाचे उल्लंघन केल्याबद्दल अफगाणिस्तानचा अनुभवी अष्टपैलू खेळाडू मोहम्मद नबी याला त्याच्या सामन्याच्या शुल्काच्या १५ टक्के दंड ठोठावण्यात आला आहे. अफगाणिस्तानच्या डावाच्या १४ व्या षटकाच्या सुरुवातीला ही घटना घडली, जेव्हा नबी आणि गोलंदाज लुंगी न्गिडी यांच्या मनगटाच्या पट्ट्यावरून पंचांमध्ये बराच वेळ वाद झाला. मोहम्मद नबीने खेळाडू आणि खेळाडूंच्या सहाय्यक कर्मचाऱ्यांसाठी आयसीसीच्या आचारसंहितेच्या कलम २.४ चे उल्लंघन केले.
आंतरराष्ट्रीय सामन्यादरम्यान पंचांच्या सूचनांचे उल्लंघन करणे हे आयसीसीच्या आचारसंहितेच्या कलम २.४ चे उल्लंघन करणे आहे असे आयसीसीने आपल्या निवेदनात म्हटले आहे.
यानंतर नबीने आपला गुन्हा कबूल केला आणि आयसीसी आंतरराष्ट्रीय सामनाधिकारी पॅनेलच्या डेव्हिड गिल्बर्टने सुचवलेला दंड स्वीकारला, त्यामुळे औपचारिक सुनावणीची आवश्यकता नव्हती," असे आयसीसीने निवेदनात म्हटले आहे. मैदानावरील पंच जयरामन मदनगोपाल आणि शरफुद्दौला इब्ने शाहिद, तिसरे पंच नितीन मेनन आणि चौथे पंच के.एन. अनंतपद्मनाभन यांनी मोहम्मदवर हा आरोप लावला होता.
बुधवारी (११ फेब्रुवारी) झालेल्या सामन्यात दक्षिण आफ्रिकेने अफगाणिस्तानला दोन सुपर ओव्हरमध्ये हरवले.