मध्य पूर्व आशियामधील युद्ध (Iran-US-Israel War) आता सहाव्या आठवड्यात पोहोचले असून परिस्थिती दिवसेंदिवस अधिकच गंभीर होत आहे. ज्यावेळी हे युद्ध काही क्षणांत संपवू असे दावे डोनाल्ड ट्रम्प यांनी केले होते, त्याच संघर्षात ते आता अडकलेले दिसत आहेत. डोनाल्ड ट्रम्प यांनी इराणला नव्याने इशारा देत स्पष्ट केले आहे की, ठरलेल्या वेळेत होर्मुज सामुद्रधुनी (Strait of Hormuz) खुली केली नाही तर अमेरिका कठोर कारवाई करेल. गरज भासल्यास इराणच्या वीज प्रकल्पांवर आणि महत्त्वाच्या पायाभूत सुविधांवर हल्ले केले जाऊ शकतात, अशीही चेतावणी त्यांनी दिली. यावर प्रत्युत्तर देताना इराणने ठाम भूमिका घेतली असून, युद्धातील नुकसानीची भरपाई मिळेपर्यंत होर्मुज खुली केली जाणार नाही, असे स्पष्ट केले आहे.
पाकिस्तानचा मध्यस्थीचा प्रयत्न :
अशातच आता इस्रायलने (Iran-US-Israel War) मोठा इशारा दिला असून, सौदी अरेबिया आणि बहरीनला जोडणारा किंग फहद कॉजवे हा महत्त्वाचा पूल तात्पुरता बंद करण्यात आला आहे. इराणकडून संभाव्य हवाई हल्ल्यांच्या धमक्यांमुळे सुरक्षेच्या कारणास्तव हा निर्णय घेण्यात आला. वाढता तणाव लक्षात घेता पुलावरील वाहतूक थांबवण्यात आली आहे. हा पूल बहरीनसाठी अत्यंत महत्त्वाचा असून, तो सौदी अरेबियाशी असलेला एकमेव रस्तामार्ग आहे.