Kalyan-Ahilyanagar Highway Accident : कल्याण अहिल्यानगर महामार्गावर भीषण अपघात; ८ जण ठार तर एक गंभीर जखमी

कल्याण-अहिल्यानगर (Kalyan-Ahilyanagar Highway Accident) महामार्गावर आज म्हणजेच सोमवार १३ एप्रिल रोजी अत्यंत भीषण अपघात घडला. या अपघातात एका ईको कार आणि सिमेंट मिक्सर ट्रकची समोरासमोर जोरदार धडक झाली. या दुर्घटनेत ८ प्रवाशांचा जागीच मृत्यू झाला असून एक जण गंभीर जखमी झाला आहे.

ईको कारचा पूर्णपणे चक्काचूर :

मिळालेल्या माहितीनुसार, अपघाताची (Kalyan-Ahilyanagar Highway Accident) तीव्रता इतकी होती की ईको कारचा पूर्णपणे चक्काचूर झाला. धडक इतकी जोरदार होती की कारमधील प्रवाशांना बाहेर पडण्याची कोणतीही संधी मिळाली नाही. मृतांमध्ये कल्याण ते मुरबाड दरम्यान प्रवास करणाऱ्या प्रवाशांचा समावेश असल्याची प्राथमिक माहिती समोर आली आहे.

स्थानिक नागरिकांकडून मदतकार्य सुरु :

अपघाताचा (Kalyan-Ahilyanagar Highway Accident) आवाज होताच स्थानिक नागरिकांनी तात्काळ घटनास्थळी धाव घेत मदतकार्य सुरू केले. माहिती मिळताच महामार्ग पोलीस आणि स्थानिक पोलीस प्रशासनही घटनास्थळी दाखल झाले. नागरिकांच्या मदतीने कारमध्ये अडकलेल्या मृतदेहांना बाहेर काढण्यात आले, तर गंभीर जखमी व्यक्तीला तातडीने रुग्णालयात दाखल करण्यात आले आहे.

प्राथमिक तपासानुसार हा अपघात (Kalyan-Ahilyanagar Highway Accident) महामार्गावरील एका पुलावर घडल्याचे सांगितले जात आहे. सध्या पोलिसांकडून मृतांची ओळख पटवण्याचे काम सुरू आहे. तसेच या अपघाताचे नेमके कारण शोधण्यासही सुरुवात झाली आहे. या भीषण अपघातामुळे परिसरात हळहळ व्यक्त केली जात आहे.