पुणे : पुणे-लोणावळा उपनगरीय रेल्वे मार्गावर प्रवास करणाऱ्या हजारो प्रवाशांसाठी महत्त्वाची बातमी आहे. आज म्हणजेच सोमवार ४ आणि मंगळावर ५ मे रोजी काही लोकल गाड्या रद्द करण्यात आल्या आहेत. यामुळे दैनंदिन प्रवासावर परिणाम होण्याची शक्यता आहे. तळेगाव रेल्वे स्थानकावर पायाभूत सुविधांच्या आधुनिकीकरणासाठी विशेष दुरुस्ती ब्लॉक घेतला जात असल्याने काही गाड्या रद्द करण्यात आल्या आहेत.
भविष्यातील अपघात टाळण्यासाठी दोन दिवसांचा विशेष ब्लॉक :
एकूण सहा लोकल गाड्या रद्द :
या ब्लॉकदरम्यान रेल्वे वाहतूक मर्यादित राहणार असल्याने ४ मे रोजी शिवाजीनगर-तळेगाव आणि पुणे-तळेगाव-पुणे मार्गावरील एकूण सहा लोकल गाड्या रद्द करण्यात आल्या आहेत. तर ५ मे रोजी याच वेळेत चार लोकल सेवा रद्द राहणार आहेत. याशिवाय काही गाड्या उशिराने धावण्याची शक्यताही वर्तवण्यात आली आहे.
रेल्वे प्रशासनाकडून खाजगी वाहतुकीच्या वापराचा सल्ला :
प्रवाशांनी शिस्त पाळून सहकार्य करावे :
तसेच, स्थानकांवर गर्दी वाढण्याची शक्यता लक्षात घेता अतिरिक्त रेल्वे कर्मचारी आणि सुरक्षा व्यवस्था तैनात करण्यात येणार आहे. प्रवाशांनी शिस्त पाळून सहकार्य करावे, असे आवाहन रेल्वेकडून करण्यात आले आहे.
ही दुरुस्ती कामे पूर्ण झाल्यानंतर पुणे-लोणावळा मार्गावरील रेल्वे सेवा अधिक सुरळीत, जलद आणि सुरक्षित होईल, असा दावा रेल्वे प्रशासनाने केला आहे. भविष्यात गाड्यांचा वेळ पाळण्याचे प्रमाण सुधारेल आणि तांत्रिक अडचणी कमी होतील, अशी अपेक्षा व्यक्त करण्यात येत आहे.