Bandra Encroachment Removal Campaign : वांद्रे स्थानकाबाहेर अतिक्रमण हटाव मोहीम; अनधिकृत मशिदीवर महापालिकेची कारवाई

मुंबई : मुंबईतील वांद्रे स्थानकाबाहेरील परिसरात आज सकाळी मोठी अतिक्रमण हटाव मोहीम राबवण्यात आली. या कारवाईदरम्यान स्थानकाबाहेर उभारण्यात आलेल्या अनधिकृत मशिदीवरही प्रशासनाने कारवाई करत बांधकाम हटवले. या घटनेमुळे परिसरात काही काळ तणावाचे वातावरण निर्माण झाले होते. (Bandra Encroachment Removal Campaign)

महापालिका, रेल्वे प्रशासन आणि पोलिसांच्या संयुक्त पथकाने ही कारवाई केली. वांद्रे स्थानकाबाहेरील रस्ते, पदपथ आणि सार्वजनिक जागांवर मोठ्या प्रमाणात अतिक्रमण झाल्याच्या तक्रारी प्रशासनाकडे सातत्याने येत होत्या. यामुळे वाहतूक कोंडी वाढत असून नागरिकांना आणि प्रवाशांना मोठा त्रास सहन करावा लागत होता. (Bandra Encroachment Removal Campaign)

प्रशासनाने दिलेल्या माहितीनुसार, संबंधित बांधकाम अनधिकृत असल्याचे स्पष्ट झाल्यानंतर नोटिसा बजावण्यात आल्या होत्या. त्यानंतरही बांधकाम हटवण्यात आले नाही. अखेर आज सकाळी मोठ्या पोलीस बंदोबस्तात कारवाई करण्यात आली. (Bandra Encroachment Removal Campaign)

कारवाईदरम्यान परिसरात अतिरिक्त पोलीस फौजफाटा तैनात करण्यात आला होता. कोणताही अनुचित प्रकार घडू नये यासाठी पोलिसांकडून विशेष खबरदारी घेण्यात आली. काही स्थानिकांनी कारवाईला विरोध करत पोलिसांवर दगडफेक केली. त्यानंतर प्रतिकार म्हणून पोलिसांकडून नागरिकांवर सौम्य लाठीचार्ज करण्यात आला. त्यानंतर मात्र पोलिसांनी परिस्थिती नियंत्रणात ठेवली. (Bandra Encroachment Removal Campaign)

महापालिकेच्या अधिकाऱ्यांनी सांगितले की, सार्वजनिक जागांवरील सर्व प्रकारची अनधिकृत बांधकामे हटवण्याची मोहीम पुढेही सुरू राहणार आहे. कोणत्याही धार्मिक किंवा व्यावसायिक बांधकामाला नियमांबाहेर परवानगी दिली जाणार नाही, असे प्रशासनाने स्पष्ट केले. (Bandra Encroachment Removal Campaign)

दरम्यान, या कारवाईनंतर वांद्रे स्थानक परिसरातील वाहतूक आणि पादचारी मार्ग मोकळे झाल्याचे दिसून आले. प्रशासनाने नागरिकांना अफवांवर विश्वास न ठेवण्याचे आणि शांतता राखण्याचे आवाहन केले आहे. (Bandra Encroachment Removal Campaign)