नवी दिल्ली : नीट परीक्षेतील पेपरफुटी आणि गैरप्रकारांमुळे देशभरात निर्माण झालेल्या संतापाच्या पार्श्वभूमीवर केंद्र सरकार आता पूर्णपणे ॲक्शन मोडमध्ये आले आहे. २१ जून रोजी होणारी NEET फेरपरीक्षा कोणत्याही गैरप्रकाराशिवाय आणि अत्यंत सुरक्षित वातावरणात पार पडावी यासाठी सरकारने थेट भारतीय लष्कर आणि वायूदलाची मदत घेण्याचा मोठा निर्णय घेतला आहे. (NEET Paper Leak 2026)
दिल्लीत उच्चस्तरीय बैठक; सुरक्षेवर सखोल चर्चा :
या पार्श्वभूमीवर बुधवारी दिल्लीमध्ये अत्यंत महत्त्वाची उच्चस्तरीय बैठक पार पडली. केंद्रीय संरक्षणमंत्री राजनाथ सिंह यांच्या निवासस्थानी झालेल्या या बैठकीला शिक्षणमंत्री धर्मेंद्र प्रधान, केंद्रीय मंत्री ज्योतिरादित्य सिंधिया, एनटीएचे महासंचालक अभिषेक सिंह, सीबीएसईचे वरिष्ठ अधिकारी आणि पंतप्रधान कार्यालयातील अधिकारी उपस्थित होते. (NEET Paper Leak 2026)
बैठकीत २१ जूनच्या फेरपरीक्षेच्या संपूर्ण नियोजनासह सुरक्षा व्यवस्थेवर सविस्तर चर्चा करण्यात आली. प्रश्नपत्रिका छपाईपासून ते परीक्षा केंद्रांपर्यंत पोहोचवण्याच्या प्रत्येक टप्प्यावर विशेष देखरेख ठेवण्याचे निर्देश देण्यात आले आहेत. (NEET Paper Leak 2026)
परीक्षा ‘फुलप्रूफ’ करण्यासाठी कठोर उपाय :
नीट परीक्षेतील वाढत्या गैरप्रकारांमुळे विद्यार्थ्यांचा आणि पालकांचा विश्वास डळमळीत झाला होता. त्यामुळे यावेळी परीक्षा प्रक्रिया पूर्णपणे ‘फुलप्रूफ’ करण्यासाठी सरकारने कठोर उपाययोजना आखल्या आहेत. (NEET Paper Leak 2026)
संवेदनशील परीक्षा केंद्रांवर अतिरिक्त सुरक्षा तैनात केली जाणार असून, सीसीटीव्ही मॉनिटरिंग, डिजिटल ट्रॅकिंग आणि बहुस्तरीय सुरक्षा तपासणी केली जाईल. प्रश्नपत्रिकांच्या वाहतुकीदरम्यान कोणतीही माहिती बाहेर जाऊ नये यासाठी विशेष तांत्रिक यंत्रणाही वापरण्यात येणार आहे. (NEET Paper Leak 2026)
विद्यार्थ्यांचा विश्वास परत मिळवण्याचे मोठे आव्हान :
सीबीआयचा तपास वेगात; आरोपींच्या आर्थिक व्यवहारांची चौकशी :
दरम्यान, नीट पेपरफुटी प्रकरणातील तपासही वेगाने सुरू आहे. मुख्य संशयित आरोपी शिवराज मोटेगांवकर आणि त्याच्या कुटुंबीयांशी संबंधित बँक खाती आणि लॉकर्सची तपासणी आता सीबीआयकडून करण्यात येत आहे. सीबीआयच्या पथकाकडून मोठ्या प्रमाणातील आर्थिक व्यवहार, रोख रक्कम, डिजिटल पुरावे आणि मालमत्तेशी संबंधित कागदपत्रांचा शोध घेतला जात आहे. या आंतरराज्यीय पेपर लीक रॅकेटमधील पैशांच्या व्यवहारांबाबत महत्त्वाचे पुरावे हाती लागण्याची शक्यता वर्तवली जात आहे. (NEET Paper Leak 2026)